അഗളി: അട്ടപ്പാടി ഗൂളിക്കടവിൽ പത്ത് ലിറ്റർ വിദേശമദ്യം പിടികൂടി. സംഭവത്തിൽ ഒരാളെ അറസ്റ്റ് ചെയ്തു. തലച്ചിറ വീട്ടിലെ ആന്റണി (57) എന്നയാളാണ് വ്യാഴാഴ്ച അഗളി പോലീസിന്റെ പിടിയിലായത്. മണ്ണാർക്കാട് നിന്നും വാങ്ങുന്ന വിദേശമദ്യം അട്ടപ്പാടിയിൽ കൊണ്ടുവന്ന് മൂന്നിരട്ടി വിലക്ക് വിൽപ്പന നടത്തുന്നതിനിടെയാണ് ഇയാളെ പോലീസ് പിടികൂടിയത്. മണ്ണാർക്കാട് കോടതിയിൽ ഹാജരാക്കിയ ആന്റണിയെ 14 ദിവസത്തേക്ക് റിമാൻഡ് ചെയ്തു.
അഗളി എഎസ്പി പദം സിങ്ങിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് മദ്യം പിടികൂടിയത്. സിഐ പിഎസ് മഞ്ജിത് ലാൽ, എസ്ഐ ഫക്രുദ്ദീൻ എന്നിവരുടെ നേതൃത്വത്തിലാണ് വിദേശമദ്യം പിടികൂടിയത്.
Read also: പരിശോധന പത്ത് മണിക്കൂർ നീണ്ടു; കിഫ്ബിയിൽ ഉന്നത ഉദ്യോഗസ്ഥരെ വിളിച്ചു വരുത്തി