കാസർഗോഡ്: നെഹ്റുവിയൻ ആശയങ്ങളെ അടിയറ വെക്കുകയാണ് ആന്റണി ഉൾപ്പടെയുള്ള കോൺഗ്രസ് നേതാക്കൾ ചെയ്യുന്നതെന്ന് ബിനോയ് വിശ്വം എംപി. കമ്മ്യൂണിസ്റ്റ് മുക്ത കേരളമെന്ന ബിജെപി അസാധ്യത്തിന്റെ സെയിൽസ് മാനേജരായി ആന്റണി മാറിയിരിക്കുകയാണ്. ഇടതുപക്ഷവുമായി സഹകരിക്കുന്ന തമിഴ്നാട്ടിലെയും ബംഗാളിലെയും കോൺഗ്രസ് പ്രവർത്തകരെ ആന്റണി അവഹേളിക്കുകയാണെന്നും ബിനോയ് വിശ്വം ആരോപിച്ചു.
നെഹ്റുവിനെയും ഗാന്ധിയെയും കോൺഗ്രസ് ഒറ്റുകൊടുത്തു. ഇതിൽ പ്രതിഷേധമുള്ള കോൺഗ്രസ് പ്രവർത്തകർ എല്ലാം ഇത്തവണ ഇടതുപക്ഷത്തിനാണ് വോട്ട് ചെയ്യുക. ആന്റണി കോൺഗ്രസിന്റെ ദേശീയ നയത്തെ തള്ളിപ്പറയുകയാണ്. ആന്റണി ബിജെപി നേതൃത്വത്തോട് വിധേയത്വം കാണിക്കുകയാണെന്നും ബിനോയ് വിശ്വം പറഞ്ഞു.
Read also: ‘കേരളത്തിൽ എന്തും കഴിക്കാനുള്ള സ്വാതന്ത്ര്യമുണ്ട്’; ബീഫ് നിരോധനം അജണ്ടയല്ലെന്ന് കുമ്മനം
