വയനാട്: തവിഞ്ഞാൽ പഞ്ചായത്തിലെ വാളാട് തിരഞ്ഞെടുപ്പിൽ വിജയം നേടാൻ മുന്നിട്ടിറങ്ങി ഒരു കുടുംബം. അമ്മയും മകളും ഉൾപ്പടെ കുടുംബത്തിലെ നാല് പേരാണ് ഇവിടെ മൽസരിക്കുന്നത്. എടത്തന കോളനിയിൽ നിന്നുള്ളവരാണ് 4 പേരും
എടത്തന കുറിച്യ തറവാട്ടിലെ ലീല ടീച്ചർ 18ആം വാർഡിലും മകൾ മനീഷ 13ആം വാർഡിലുമാണ് മൽസരിക്കുന്നത്. ലീലയുടെ ചേട്ടന്റെ മകൻ വിഎ ചന്ദ്രൻ വാർഡ് 17ലെ സ്ഥാനാർഥിയാണ്. മൂവരും തവിഞ്ഞാൽ വാളാട് എൻഡിഎക്ക് വേണ്ടിയാണ് വോട്ട് തേടുന്നത്.
Also Read: ഒളിവിൽ പോയിട്ട് മൂന്നാഴ്ച, പൂക്കോയ തങ്ങളെ പിടികൂടാതെ പോലീസ്, പ്രതിഷേധം ശക്തമാകുന്നു
മൂന്ന് പേരും ഒരേ മുന്നണിയിലാണെങ്കിലും ലീല ടീച്ചറിന്റെ എതിരാളി അമ്മാവന്റെ മകളായ പുഷ്പയാണ്. 18ആം വാർഡിലെ എൽഡിഎഫ് സ്ഥാനാർഥിയാണ് പുഷ്പ. എന്നാൽ, രാഷ്ട്രീയം കുടുംബത്തിന് പുറത്ത് മാത്രമെന്നാണ് കുറിച്യ തറവാട്ടിലെ അംഗങ്ങളുടെ പക്ഷം.
എടത്തന കുറിച്യ തറവാട്ടിൽ 300ലധികം വോട്ടുള്ളതാണ് സ്ഥാനാർഥികളെ ഇവിടെ നിന്ന് കണ്ടെത്താൻ മുന്നണികളെ പ്രേരിപ്പിക്കുന്ന പ്രധാന കാര്യം. എന്നാൽ, യുഡിഎഫ് സ്ഥാനാർഥി ഈ കുടുംബത്തിൽ നിന്നുള്ളതല്ല.