തിരുവനന്തപുരം: ഒന്ന് മുതൽ ഒൻപത് വരെ ക്ളാസുകളിൽ വാർഷിക പരീക്ഷ നടത്തുന്നകാര്യം പരിഗണനയിലാണെന്ന് മന്ത്രി വി ശിവൻകുട്ടി. വരും ദിവസങ്ങളിലെ സാഹചര്യം കൂടി വിലയിരുത്തിയാകും അന്തിമ തീരുമാനമെന്നും അദ്ദേഹം പറഞ്ഞു. ഒന്ന് മുതൽ ഒൻപത് വരെയുള്ള ക്ളാസുകൾ വൈകുന്നേരം വരെയാക്കുന്ന കാര്യവും ആലോചനയിലുണ്ട്.
കിൻഡർ ഗാർഡൻ മുതൽ ഒൻപത് വരെയുള്ള ക്ളാസുകൾ തിങ്കളാഴ്ച പുനരാരംഭിക്കാനുള്ള വിശദമായ മാർഗരേഖ ഈ ആഴ്ച അവസാനം പുറത്തിറക്കും. വൈകുന്നേരം വരെയാക്കിയ ഹയർ സെക്കണ്ടറി ക്ളാസുകളിൽ വിദ്യാർഥികളുടെ ഹാജർ കൂടിവരുന്നുണ്ട്. സ്വകാര്യ സ്കൂളുകൾ തുറക്കാതിരിക്കുകയും വിദ്യാർഥികളിൽനിന്നും ഫീസ് ഈടാക്കുകയും ചെയ്യുന്നത് സംബന്ധിച്ച് പരാതി ലഭിച്ചാൽ നടപടിയെടുക്കുമെന്നും മന്ത്രി പറഞ്ഞു.
Also Read: ജലപാനമില്ലാതെ മൂന്നാം ദിവസത്തിലേക്ക്; സുരക്ഷാസൈന്യം യുവാവിന് അരികിലെത്തി