കൊച്ചി : സാങ്കേതിക തകരാറിനെ തുടർന്ന് കരിപ്പൂർ വിമാനത്താവളത്തിൽ ഇറങ്ങേണ്ട വിമാനം അടിയന്തിരമായി നെടുമ്പാശ്ശേരി വിമാനത്താവളത്തിൽ ഇറക്കി. റിയാദിൽ നിന്നും കരിപ്പൂരിലേക്ക് പോകേണ്ടിയിരുന്ന എയർ ഇന്ത്യ എക്‌സ്‌പ്രസ് വിമാനമാണ് അടിയന്തിരമായി ഇറക്കിയത്. വിമാനത്തിൽ ഉണ്ടായിരുന്ന ജീവനക്കാരും യാത്രക്കാരും സുരക്ഷിതരാണെന്ന് അധികൃതർ വ്യക്‌തമാക്കി.
ഇന്ന് പുലർച്ചെ 3 മണിയോടെയാണ് സംഭവം ഉണ്ടായത്. യന്ത്രത്തകരാറിനെ തുടര്‍ന്നാണ് വിമാനത്തിന്റെ അടിയന്തര ലാന്‍ഡിംഗിന് പൈലറ്റ് അനുമതി തേടിയത്. യാത്രക്കാരിൽ ഏറെ പേരും കോഴിക്കോടേക്ക് ഉള്ളവർ ആയിരുന്നു. ഇവരെ നിലവിൽ മറ്റൊരു വിമാനത്തിൽ കരിപ്പൂർ വിമാനത്താവളത്തിൽ എത്തിച്ചു. കൂടാതെ വിമാനത്തിന്റെ പരിശോധനകൾ തുടങ്ങിയതായും അധികൃതർ വ്യക്‌തമാക്കി.
Read also : പാചക വാതക സിലിണ്ടർ പൊട്ടിത്തെറിച്ചു; ഗൃഹനാഥന്റെ നില ഗുരുതരം
