തിരുവനന്തപുരം : തിരുവനന്തപുരം വിമാനത്താവളം സ്വകാര്യവല്ക്കരിക്കുന്നതിനെതിരെ സംസ്ഥാന സര്ക്കാര് ഹൈക്കോടതിയില് ഹര്ജി നല്കി. വിമാനത്താവളത്തിന്റെ നടത്തിപ്പവകാശം അദാനി ഗ്രൂപ്പിന് നല്കിയ കേന്ദ്ര സര്ക്കാരിന്റെ നടപടി സ്റ്റേ ചെയ്യണമെന്ന് ആവശ്യപ്പെട്ടാണ് സര്ക്കാര് ഹര്ജി നല്കിയിരിക്കുന്നത്.
വിമാനത്താവളം സ്വകാര്യവല്ക്കരിക്കുന്നതിനെതിരെ സര്ക്കാര് നേരത്തെ ഹൈക്കോടതിയില് അപ്പീല് നല്കിയിരുന്നു. ഇതിന് ഉപഹര്ജിയാണ് സമര്പ്പിച്ചിരിക്കുന്നത്. നിലവില് വിമാനത്താവളത്തിന്റെ നടത്തിപ്പവകാശം അദാനി ഗ്രൂപ്പിന് നല്കിയത് സ്റ്റേ ചെയ്യണമെന്നാണ് ഹര്ജി. ഇതോടെ വിമാനത്താവള സ്വകാര്യവല്ക്കരണത്തിനെതിരെ വീണ്ടും നിയമ നടപടികള്ക്ക് തയ്യാറെടുക്കുകയാണ് സംസ്ഥാന സര്ക്കാര്.
കഴിഞ്ഞ ദിവസം മുഖ്യമന്ത്രിയുടെ നേതൃത്വത്തില് വിമാനത്താവള സ്വകാര്യവല്ക്കരണത്തിനെതിരെ സര്വ്വകക്ഷി യോഗം ചേര്ന്നിരുന്നു. സ്വകാര്യവല്ക്കരണത്തിനെ സര്വ്വകക്ഷി യോഗം പൂര്ണമായും എതിര്ക്കുകയും ഇതിനെതിരെ ശക്തമായ നിലപാട് സ്വീകരിക്കണമെന്ന ആവശ്യം ഉയരുകയും ചെയ്തു. അടുത്ത അന്പത് വര്ഷത്തേക്കാണ് കേന്ദ്രസര്ക്കാര് വിമാനത്താവളത്തിന്റെ നടത്തിപ്പവകാശം അദാനി ഗ്രൂപ്പിന് നല്കിയത്.