ശ്രീനാഥ്‌ ഭാസി, ബാലു വർഗീസ്, സുധി കോപ്പ തുടങ്ങിയവരെ കേന്ദ്ര കഥാപാത്രങ്ങളാക്കി നവാഗതനായ റെഫി മുഹമ്മദ് സംവിധാനം ചെയ്യുന്ന അൽ കറാമയുടെ മോഷൻ പോസ്‌റ്റർ പുറത്തിറങ്ങി. ആസിഫ് അലിയാണ് മോഷൻ പോസ്‌റ്റർ പുറത്തുവിട്ടത്.
പൂർണമായും ദുബായിൽ ചിത്രീകരിക്കുന്ന സിനിമയാണ് അൽ കറാമ. കുമാർ സോനു ആദ്യമായി മലയാള സിനിമയിൽ പാടുന്നുവെന്ന പ്രത്യേകതയും ചിത്രത്തിനുണ്ട്. ഡിസംബർ ആദ്യവാരം ദുബായ്, റാസൽ ഖൈമ, അജ്‌മാൻ എന്നിവിടങ്ങളിലായി ചിത്രത്തിന്റെ ഷൂട്ടിംഗ് ആരംഭിക്കും.
ചിത്രത്തിലെ ഗാനങ്ങൾ നാസർ മാലിക്കാണ് തയാറാക്കുന്നത്. പശ്‌ചാത്തല സംഗീതം ജാസി ഗിഫ്റ്റാണ്. ബികെ ഹരിനാരായണൻ, ഷാഫി കൊല്ലം, വിഷ്‌ണുപ്രസാദ് എന്നിവർ ചേർന്നാണ് വരികൾ എഴുതിയിരിക്കുന്നത്. ചിത്രത്തിന്റെ ഛായാഗ്രഹണം രവിചന്ദ്രൻ നിർവഹിക്കുന്നു.
Read also: ആക്ഷന്‍ ത്രില്ലറുമായി ശരത്ത് അപ്പാനി; ‘രന്ധാര നഗര’ മോഷന്‍ പോസ്‌റ്റര്‍ പുറത്ത്
