മുഴുവൻ കുട്ടികളെയും സ്‌കൂളിൽ എത്തിക്കും; പദ്ധതിയുമായി ബത്തേരി നഗരസഭ

By News Desk, Malabar News
All children will be brought to school; Bathery Municipality with the project

ബത്തേരി: നഗരസഭാ പരിധിയിലെ മുഴുവൻ കുട്ടികളെയും സ്‌കൂളിൽ എത്തിക്കാൻ ‘ഡ്രോപ്പ് ഔട്ട് ഫ്രീ’ യജ്‌ഞവുമായി ബത്തേരി. ഇതിന്റെ ഭാഗമായി അധ്യാപകർ, പിടിഎ ഭാരവാഹികൾ, ഡയറ്റ് വയനാട്, ബിആർസി ബത്തേരി, ട്രൈബൽ വകുപ്പ്, പോലീസ്, എന്നിവരുടെ സംയുക്‌ത സംഘം ആർമാട് സർക്കാർ കോളനി, വെള്ളയികുടി കോളനി, പാംബ്രാമൂല കോളനി, താത്തൂർ കോളനി എന്നിവ സന്ദർശിച്ചു.

ചില കുട്ടികൾ സ്‌കൂളിൽ വരാതിരിക്കുന്നത് കാപ്പി, അടക്ക വിളവെടുപ്പ് പോലുള്ള തൊഴിൽ മേഖലകളിൽ ജോലിക്കു പോകുന്നത് കാരണമാണെന്ന് കണ്ടെത്തി. ഇവർക്ക് ജോലി നൽകുന്ന തൊഴിലുടമ, ഇവർ ജോലി ചെയ്യുന്ന തോട്ടം ഉടമ എന്നിവർക്കെതിരെ ബാലവേല നിരോധന നിയമപ്രകാരം നടപടികൾ എടുക്കുമെന്ന് പോലീസ് മുന്നറിയിപ്പ് നൽകി.

നഗരസഭ സ്‌ഥിരം സമിതി അധ്യക്ഷരായ ടോം ജോസ്, കെ റഷീദ്, കൗൺസിലർമാരായ പി ശംഷാദ്, ബിന്ദു രവി, പിആർ നിഷ, ഡയറ്റ് സീനിയർ ലക്‌ചറർ ഡോ. മനോജ് കുമാർ, പോലീസ് ഓഫിസർ പികെ സുഹൈൽ, എംഇസി കൺവീനർ പിഎ അബ്‌ദുൽ നാസർ, അധ്യാപകരായ കെഎസ്‌ ജയരാജൻ, വിഎം ജോണി, പി റീന, ബിആർസി കോഓർഡിനേറ്റർ ടികെ സജിനി, എം അനീഷ എന്നിവരാണ് നേതൃത്വം നൽകിയത്.

Also Read: സമസ്‌ത അധ്യക്ഷൻ ജിഫ്രി മുത്തുക്കോയ തങ്ങൾക്ക് വധഭീഷണി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE