മനാമ: എല്ലാവിധ സന്ദര്‍ശക വിസകളുടെയും കാലാവധി നീട്ടിയതായി ബഹ്റൈന്‍ നാഷണാലിറ്റി, പാസ്‌പോര്‍ട്ട്‌സ് ആന്‍ഡ് റെസിഡന്‍സ് അഫയേഴ്‌സ് (എന്‍പിആര്‍എ) ഇന്നലെ പ്രഖ്യാപിച്ചു. അടുത്ത ജനുവരി 21 വരെയാണ് കാലാവധി നീട്ടിനല്‍കിയത്.
സേവനം സൗജന്യമാണ്, കൂടാതെ ഇതിനു വേണ്ടി പ്രത്യേക അപേക്ഷകള്‍ ഒന്നും നല്‍കേണ്ടതില്ലെന്നും അവര്‍ വ്യക്‌തമാക്കി.
വിമാന സര്‍വീസുകളുടെ കുറവും, മറ്റു വിഷയങ്ങളും കാരണം രാജ്യത്ത് കുടുങ്ങിപ്പോയ ആളുകള്‍ക്ക് സഹായകരമാവുന്ന പ്രഖ്യാപനമാണ് എന്‍പിആര്‍ഐ നടത്തിയത്.
ഇത്തരം പ്രതിസന്ധിയില്‍ കഷ്‌ടപ്പെടുന്ന നിരവധി പേർക്ക് തീരുമാനം ഗുണം ചെയ്യും. കോവിഡ് വ്യാപനം ആരംഭിച്ച ഘട്ടം മുതല്‍ വിദേശികള്‍ക്കും സന്ദര്‍ശക വിസയില്‍ വന്നവര്‍ക്കും അധിക ചിലവ് കൂടാതെ വിസാ കാലാവധി നീട്ടുന്നതിന് എന്‍പിആര്‍എ സൗകര്യം ഒരുക്കിയിരുന്നു. ഇതിന്റെ തുടർച്ചയായാണ്‌ പുതിയ നടപടി.
Read Also: ഉംറ രണ്ടാം ഘട്ടത്തിന് ഇന്ന് തുടക്കം
