മക്ക: ഉംറയുടെ രണ്ടാം ഘട്ടത്തിന് ഇന്ന് തുടക്കമാകും. ഹജ്ജ് ഉംറ മന്ത്രാലയമാണ് ഞായറാഴ്ച ഉംറയുടെ രണ്ടാംഘട്ടം ആരംഭിക്കുമെന്ന് അറിയിച്ചത്. ആദ്യ ഘട്ടത്തിലെന്ന പോലെ സാമൂഹിക അകലം ഉള്പ്പടെയുള്ള കര്ശനമായ ആരോഗ്യ സുരക്ഷാ നിയന്ത്രണങ്ങളോടെയാണ് 14 ദിവസത്തെ രണ്ടാം ഘട്ട തീര്ത്ഥാടനവും നടക്കുക.
ആചാര അനുഷഠാനങ്ങള്ക്കായി 220,000 പേരും 560,000 ത്തോളം ആരാധകരും നമസ്കാരത്തിന് എത്തുമെന്നാണ് പ്രതീക്ഷിക്കുന്നത്. പ്രതിദിനം 15,000 പേര്ക്കാണ് രണ്ടാം ഘട്ടത്തില് ഉംറ തീര്ത്ഥാടനത്തിന് അനുമതി നല്കിയിരിക്കുന്നത്. നേരത്തെ 6000 പേര്ക്കായിരുന്നു അനുമതി ഉണ്ടായിരുന്നത്.
എന്നാല് വിദേശ തീര്ത്ഥാടകര്ക്ക് ഈ ഘട്ടത്തില് അനുമതി നല്കിയിട്ടില്ല. നവംബര് ഒന്നിന് ആരംഭിക്കുന്ന മൂന്നാം ഘട്ടത്തില് വിദേശ തീര്ത്ഥാടകര്ക്ക് പ്രവേശനാനുമതി നല്കുമെന്നാണ് ലഭിക്കുന്ന വിവരം.
സുരക്ഷാ മാനദണ്ഡങ്ങള് ഉറപ്പുവരുത്താനും സമയ ക്രമീകരണങ്ങള് കൃത്യമായി പാലിക്കാനും ജനറല് പ്രസിഡന്സി മുഴുവന് വിശ്വാസികളോടും തീര്ത്ഥാടകരോടും അഭ്യര്ഥിച്ചു.
Read Also: പ്രളയാനന്തര കേരള പുനര്നിര്മ്മാണം; ലോകബാങ്ക് വായ്പ മുടങ്ങി