തൃശൂർ: എസ്എസ്എല്സി മൂല്യനിര്ണയത്തില് ഗുരുതര വീഴ്ച സംഭവിച്ചതായി ആരോപണം. കോട്ടപ്പുറം സെന്റ് ആന്സ് സ്കൂളിലെ വിദ്യാര്ഥികളാണ് മൂല്യനിര്ണയം നടത്തിയ പരീക്ഷാ പേപ്പര് മാറിയെന്ന് ചൂണ്ടിക്കാട്ടി പരാതിയുമായി രംഗത്തെത്തിയത്.
സെന്റ് ആന്സ് സ്കൂളിലെ ആന്ഡ്രിയ എന്ന വിദ്യാര്ഥിനിയുടെ എസ്എസ്എല്സി മൂല്യനിര്ണയത്തിലാണ് വീഴ്ചയുണ്ടായത്. മാര്ക്ക് കുറഞ്ഞത് പരിശോധിക്കാനായി വിദ്യാര്ഥിനി ഉത്തര പേപ്പറിന്റെ പകര്പ്പ് എടുത്തപ്പോള് മറ്റൊരു കുട്ടിയുടെ ഉത്തരപേപ്പറാണ് ലഭിച്ചത് എന്നാണ് ആരോപണം. തുടർന്ന് ഇതുസംബന്ധിച്ച് പരാതിപ്പെട്ടപ്പോള് പരീക്ഷാ ഭവനുമായി ബന്ധപ്പെടാൻ ആയിരുന്നു വാല്യൂഷേന് ഓഫിസറുടെ മറുപടി.
അതേസമയം പരാതി നല്കിയ ആന്ഡ്രിയയുടെ ഉത്തരപ്പേപ്പറായി അധികാരികള് നല്കിയത് തന്റെ ഉത്തരപേപ്പറാണെന്ന് സ്ഥിരീകരിച്ച് സ്കൂളിലെ മറ്റൊരു വിദ്യാര്ഥിയും രംഗത്തെത്തിയിട്ടുണ്ട്.
Read Also: പ്രമുഖ വ്ളോഗർമാരായ ഇ ബുൾജെറ്റ് സഹോദരൻമാരെ പോലീസ് കസ്റ്റഡിയിൽ എടുത്തു