ന്യൂഡെൽഹി: ഉപഭോക്‌തൃ സംരക്ഷണ നിയമങ്ങൾ ഉൾപ്പെടുത്തി ഭേദഗതി ചെയ്‌ത ഇ-കൊമേഴ്‌സ് നിയമത്തിന്റെ കരട് ഈയാഴ്‌ച പുറത്തിറക്കും. ഫ്ളാഷ് വിൽപനയിലെ വ്യക്‌തതയാണ് പ്രധാനമായി ഭേദഗതിയിൽ ഉൾപ്പെടുത്തിയിരിക്കുന്നത്. ഇ-കൊമേഴ്‌സ് മേഖലയിൽ നിയന്ത്രണം ഫലപ്രദമായി നടപ്പാക്കുന്നതിന്റെ ഭാഗമായാണ് ഭേദഗതികൾ കൊണ്ടുവരുന്നത്.
ഫ്ളിപ്‌കാർട്ട്, ആമസോൺ ഉൾപ്പടെയുള്ള പ്രമുഖ ഇ-കൊമേഴ്‌സ് കമ്പനികളും, കോൺഫെഡറേഷൻ ഓഫ് ഇന്ത്യ ട്രേഡേഴ്‌സ് (സിഎഐടി), കോൺഫഡറേഷൻ ഓഫ് ഇന്ത്യൻ ഇൻഡസ്ട്രീസ്, റീട്ടെയിൽ അസോസിയേഷൻ ഓഫ് ഇന്ത്യ, ഇന്റർനെറ്റ് ആൻഡ് മൊബൈൽ അസോസിയേഷൻ ഓഫ് ഇന്ത്യ, ചേംബർ ഓഫ് കൊമേഴ്‌സ് തുടങ്ങിയവയുമായി നിരവധി തവണ ചർച്ചചെയ്‌ത ശേഷമാണ് ഭേദഗതി കൊണ്ടുവരുന്നത്.
വൻതോതിൽ വിലകുറച്ചുള്ള ഫ്ളാഷ് വിൽപനയെ ഭേഗതി സാരമായി തന്നെ ബാധിക്കുമെന്നാണ് വിലയിരുത്തൽ. ഉപഭോക്‌താക്കൾക്ക് പരാതി നൽകാൻ ഇ-കൊമേഴ്‌സ് സ്‌ഥാപനങ്ങൾ ഉദ്യോഗസ്‌ഥനെ നിയമിക്കുന്നതിനുള്ള വ്യവസ്‌ഥയും കരടിലുണ്ടാകും എന്നാണ് റിപ്പോർട്ടുകൾ.
Read Also: ഐഎസ്എൽ; ടിപി രഹ്‌നേഷ് ജംഷഡ്‌പൂർ എഫ്‌സിയിൽ തുടരും
