കണ്ണൂർ : കണ്ണൂർ സർവകലാശാലയിലെ വിദ്യാർഥികളുടെ ഒരു കെട്ട് ഉത്തരക്കടലാസുകൾ കിട്ടിയത് പെരുവഴിയിൽ നിന്നും. സർവകലാശാലയിൽ വിദൂര വിദ്യാഭ്യാസത്തിലൂടെ ബികോം ചെയ്യുന്ന വിദ്യാർഥികളുടെ രണ്ടാംവർഷ പരീക്ഷയുടെ ഉത്തരക്കടലാസുകളാണ് ഇന്ന് രാവിലെയോടെ റോഡരികിൽ നിന്നും കിട്ടിയത്.
മലപ്പട്ടം ചൂളിയാട്ട് നിന്നാണ് ബികോം വിദ്യാർഥികളുടെ ഒരു കെട്ട് ഉത്തരക്കടലാസുകൾ ഇന്ന് രാവിലെ കിട്ടിയത്. കഴിഞ്ഞ ഡിസംബർ 23ആം തീയതി നടന്ന പരീക്ഷയുടെ ഉത്തരക്കടലാസുകൾ ആയിരുന്നു അവ. മൂല്യനിർണ്ണയം കഴിഞ്ഞ ഉത്തരക്കടലാസുകൾ ആണെങ്കിലും അവയുടെ ഫലം ഇതുവരെ പുറത്തു വന്നിട്ടില്ല. ഇതോടെ സംഭവം വലിയ വിവാദമായിരിക്കുകയാണ്. തുടർന്ന് സംഭവത്തിൽ കെഎസ്‌യു പ്രവർത്തകർ പ്രതിഷേധവുമായി സർവകലാശാലയിൽ എത്തി.
Read also : പട്ടാള അട്ടിമറിക്ക് എതിരെ വ്യാപക പ്രതിഷേധം; മ്യാൻമറിൽ ഫേസ്ബുക്ക് നിരോധിച്ചു
