എറണാകുളം: ജില്ലയിൽ യുഡിഎഫിന് മുൻതൂക്കം. ശക്തമായ വെല്ലുവിളി ഉയർത്തി എൽഡിഎഫും തൊട്ടുപിന്നിലുണ്ട്. പിറവം, തൃപ്പൂണിത്തുറ, പെരുമ്പാവൂർ, അങ്കമാലി, ആലുവ, പറവൂർ, തൃപ്പൂണിത്തുറ, എറണാകുളം, തൃക്കാക്കര മണ്ഡലങ്ങളിലെല്ലാം യുഡിഎഫാണ് ലീഡ് ചെയ്യുമ്പോൾ കളമശ്ശേരി, വൈപ്പിൻ, കൊച്ചി, കുന്നത്തുനാട്, മൂവാറ്റുപുഴ, കോതമംഗലം എന്നിവിടങ്ങളിൽ എൽഡിഎഫും ലീഡ് ചെയ്യുന്നു.
പിറവത്ത് യുഡിഎഫ് സ്ഥാനാർഥി അനൂപ് ജേക്കബ് 3692 വോട്ടിനും തൃപ്പൂണിത്തുറയിൽ കെ ബാബു 436 വോട്ടിനും ലീഡ് ചെയ്യുന്നു. പെരുമ്പാവൂരിൽ എൽദോസ് കുന്നപ്പളി- 1231, അങ്കമാലിയിൽ റോജി എം ജോൺ- 1285, ആലുവയിൽ അൻവർ സാദത്ത്- 1157, പറവൂരിൽ വിഡി സതീശൻ- 461, എറണാകുളത്ത് ടിജെ വിനോദ്-450, തൃക്കാക്കരയിൽ പിടി തോമസ്- 2438 എന്നിവരാണ് മുന്നിട്ട് നിൽക്കുന്നത്.
അതേസമയം കളമശ്ശേരിയിൽ എൽഡിഎഫിന്റെ പി രാജീവാണ് മുന്നിൽ. 1941 വോട്ടിനാണ് രാജീവ് ലീഡ് ചെയ്യുന്നത്. വൈപ്പിനിൽ കെഎൻ ഉണ്ണികൃഷ്ണന് 572 വോട്ടിന്റെ നേരിയ ലീഡാണ് ഉള്ളത്. കൊച്ചിയിൽ കെജെ മാക്സി 2601 വോട്ടിനും കുന്നത്തുനാടിൽ പിവി ശ്രീനിജൻ 321 വോട്ടിനും ലീഡ് ചെയ്യുന്നു. മൂവാറ്റുപുഴയിൽ എൽദോ എബ്രഹാം 168 വോട്ടിനും കോതമംഗത്ത് ആന്റണി ജോൺ 1700 വോട്ടിനുമാണ് മുന്നിൽ.
Read Also: മധ്യ കേരളത്തിൽ എൽഡിഎഫ്-യുഡിഎഫ് പോരാട്ടം