പാലക്കാട് : നിയമസഭാ തിരഞ്ഞെടുപ്പ് പ്രചാരണത്തിന്റെ ഭാഗമായി രാഹുൽ ഗാന്ധി 26ആം തീയതി പാലക്കാടെത്തും. 26ആം തീയതി രാവിലെ 11 മണിയോടെ കോയമ്പത്തൂരിൽ എത്തുന്ന രാഹുൽ ഗാന്ധി ഹെലിക്കോപ്റ്ററിൽ ജില്ലയിൽ എത്തും. തുടർന്ന് 11.50ഓടെ പാലക്കാട്, മലമ്പുഴ, ചിറ്റൂർ നിയോജക മണ്ഡലങ്ങളുടെ സംയുക്‌ത തിരഞ്ഞെടുപ്പ് പ്രചാരണ പരിപാടിയിൽ അദ്ദേഹം പ്രസംഗിക്കും.
അതിന് ശേഷം പറളി, പത്തിരിപ്പാല, ഒറ്റപ്പാലം, വാണിയംകുളം, കുളപ്പുള്ളി, വാടാനംകുറുശ്ശി, ഓങ്ങല്ലൂർ, പട്ടാമ്പി എന്നിവിടങ്ങളിൽ സ്‌ഥാനാർഥികളോടൊപ്പം അദ്ദേഹം റോഡ് ഷോയിൽ പങ്കെടുക്കും. തുടർന്ന് ഉച്ചക്ക് ശേഷം 3 മണിക്ക് തൃത്താലയിൽ കൂറ്റനാട് സംഘടിപ്പിച്ചിരിക്കുന്ന പൊതുയോഗത്തിലും രാഹുൽ ഗാന്ധി പങ്കെടുക്കും.
Read also : സാവകാശം ലഭിച്ചിരുന്നു എങ്കിൽ ധർമ്മടത്ത് മൽസരിച്ചേനെ; കെ സുധാകരൻ
