ശിവസാഗര്: സ്വന്തം മക്കളെ നിധി ലഭിക്കാനായി ബലി നല്കാന് ഒരുങ്ങിയ സഹോദരന്മാര് പിടിയില്. മക്കളെ ബലി നല്കാന് മുതിര്ന്ന സഹോദരങ്ങളായ ജമീയുര് ഹുസൈന്, ശെരീഫുല് ഹുസൈന് എന്നിവരെയാണ് പോലീസ് കസ്റ്റഡിയില് എടുത്തത്. അസമിലെ ശിവസാഗര് ജില്ലയിലെ ദിമൗമുഖ് ഗ്രാമത്തിലാണ് സംഭവം അരങ്ങേറിയത്.
ജമീയുര് ഹുസൈന്റെയും ശെരീഫുല് ഹുസൈന്റെയും ആറ് മക്കളെയും സുരക്ഷിത കേന്ദ്രത്തിലേക്ക് മാറ്റിയതായി പോലീസ് അറിയിച്ചു. അതേസമയം ദൃക്സാക്ഷികള് ഇല്ലാത്തതിനാല് അറസ്റ്റ് രേഖപ്പെടുത്തിയിട്ടില്ലെന്ന് പോലീസ് ഉദ്യോഗസ്ഥന് ജയന്ത ശരത്തി ബോറ പറഞ്ഞു.
Read Also: കേന്ദ്ര അന്വേഷണ ഏജന്സികള്ക്ക് എതിരെ എംവി ജയരാജന്
ഒരു വ്യാജ സിദ്ധന്റെ ഉപദേശപ്രകാരമാണ് സംഭവം നടന്നതെന്നാണ് നാട്ടുകാര് പറയുന്നത്. നരബലി നടക്കാനിടയുണ്ടെന്ന വിവരം ലഭിച്ചപ്പോള് നാട്ടുകാര് തന്നെയാണ് ഇരുവരെയും പിടികൂടി പോലീസില് ഏല്പ്പിച്ചത്. എന്നാല് വീട്ടുകാര് ഈ ആരോപണം നിഷേധിച്ചു.
ഇതുവരെയും പിടിയിലായ സഹോദരങ്ങളുടെ മേല് പരാതി ലഭിച്ചിട്ടില്ലെന്നാണ് അറിയുന്നത്. അതേസമയം സംഭവത്തില് അന്വേഷണം തുടരുകയാണെന്ന് പോലീസ് വ്യക്തമാക്കി.