തിരുവനന്തപുരം: വലിയമലയിൽ പ്രായപൂർത്തിയാകാത്ത പെൺകുട്ടിയെ പീഡിപ്പിക്കാൻ ശ്രമിച്ചയാൾ പിടിയിൽ. അരുവിക്കര സ്വദേശി ബിജുവിനെയാണ് പോലീസ് അറസ്‌റ്റ് ചെയ്‌തത്‌.
കഴിഞ്ഞ ജനുവരി 29ആം തീയതി രാവിലെ 10 മണിയോടെ ആയിരുന്നു പെൺകുട്ടിക്ക് നേരെ പീഡന ശ്രമം നടന്നത്. പെൺകുട്ടി നടന്നു പോകവേ ബൈക്കിൽ എത്തിയ പ്രതി വഴിയിൽ വെച്ചു പീഡിപ്പിക്കാൻ ശ്രമിക്കുക ആയിരുന്നു.
തുടർന്ന് സംഭവത്തിൽ പോക്‌സോ കേസ് രജിസ്‌റ്റർ ചെയ്‌ത്‌ വലിയമല പോലീസ് അന്വേഷണം ആരംഭിച്ചിരുന്നു. കഴിഞ്ഞ ദിവസമാണ് പ്രതിയെ കുറിച്ചുള്ള വിവരം പോലീസിന് ലഭിച്ചത്. സിസിടിവി ദൃശ്യത്തിൽ നിന്നുമാണ് പോലീസിന് വിവരം ലഭിച്ചത്.
നെടുമങ്ങാട് കോടതിയിൽ ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്‌തു.
Read Also: അഭയ കേസ്; പ്രതികളുടെ അപ്പീൽ ഇന്ന് ഹൈക്കോടതി പരിഗണിക്കും
