ലഖ്‌നൗ: അയോധ്യയിൽ ബിജെപി നേതാക്കള്‍ ഭൂമി കുംഭകോണം നടത്തിയെന്ന് കോണ്‍ഗ്രസ് നേതാവ് പ്രിയങ്കാ ഗാന്ധി. അയോധ്യയില്‍ ക്ഷേത്രത്തിന് സമീപമുള്ള ഭൂമി തുഛമായ വില കൊടുത്ത് വാങ്ങി സംഘപരിവാര്‍ നേതാക്കള്‍ വന്‍തുകക്ക് മറിച്ചുവിറ്റെന്നാണ് ആരോപണം. ലഖ്‌നൗവില്‍ വാര്‍ത്താ സമ്മേളനം വിളിച്ചു ചേർത്തായിരുന്നു പ്രിയങ്കയുടെ ആരോപണം.
“രാമക്ഷേത്രത്തിനു ചുറ്റുമുള്ള ഭൂമി രണ്ട് കോടി രൂപക്കാണ് വാങ്ങിയത്. ഈ ഭൂമി രണ്ടായി പകുത്ത് എട്ട് കോടിക്കും 18.8 കോടിക്കും വീതം രാമക്ഷേത്ര ട്രസ്‌റ്റിന് വിറ്റ രേഖ തന്റെ കൈവശമുണ്ട്. ഈ തട്ടിപ്പില്‍ രണ്ട് കോടിയുടെ വസ്‌തു 26.5 കോടിക്കാണ് ക്ഷേത്രം ട്രസ്‌റ്റിന് ലഭിക്കുന്നത്”- പ്രിയങ്കാ ഗാന്ധി ആരോപിച്ചു.
വിഷയത്തില്‍ വ്യക്‌തമായ തെളിവുകള്‍ തന്റെ കയ്യിലുണ്ടെന്നും കോടതിയുടെ മേല്‍നോട്ടത്തില്‍ അന്വേഷണം വേണമെന്നും പ്രിയങ്ക ആവശ്യപ്പെട്ടു.
Read also: കേരളം രാജ്യത്തിന് അഭിമാനം; രാഷ്‍ട്രപതി
