മലയാളത്തിലെ മുൻനിര സംവിധായകരിൽ ഒരാളായ ബി ഉണ്ണികൃഷ്ണന്റെ ഏറ്റവും പുതിയ ചിത്രത്തിൽ മമ്മൂട്ടി നായകനായെത്തുന്നു. പ്രമാണിയാണ് ബി ഉണ്ണികൃഷ്ണനും മമ്മൂട്ടിയും ഒന്നിച്ച അവസാന ചിത്രം. 2010ലാണ് ചിത്രം പുറത്തിറങ്ങിയത്.
യുവതാരം ഫഹദ് ഫാസിലും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിച്ചിരുന്നു. ഇതിന് ശേഷം ഇരുവരും വീണ്ടും ഒന്നിക്കുന്ന പുതിയ ചിത്രത്തിന് തട്ടുപൊളിപ്പൻ സിനിമകളുടെ രചയിതാവായ ഉദയകൃഷ്ണ ആയിരിക്കും തിരക്കഥ ഒരുക്കുന്നത്.
മോഹന്ലാലിനെ നായകനാക്കി ഒരുക്കിയ ആറാട്ടാണ് ബി ഉണ്ണികൃഷ്ണന്റെ അവസാന ചിത്രം. കോവിഡ് വ്യാപനത്തെ തുടർന്ന് ചിത്രത്തിന്റെ റിലീസ് അനിശ്ചിതത്വത്തിലാണ്. എങ്കിലും ചിത്രം തിയേറ്റർ റിലീസ് ആയിരിക്കുമെന്ന് തന്നെയാണ് സംവിധായകൻ പറയുന്നത്.
ക്ളബ്ഹൗസില് ആറാട്ട് സിനിമയെ കുറിച്ചുള്ള ചര്ച്ചക്കിടെയാണ് വരാനിരിക്കുന്ന മമ്മൂട്ടി ചിത്രത്തെ പറ്റിയും ആറാട്ടിന്റെ റിലീസിനെ കുറിച്ചും ഉണ്ണികൃഷ്ണൻ മനസ് തുറന്നത്. പുതിയ ചിത്രത്തിന്റെ കൂടുതൽ വിവരങ്ങൾ വൈകാതെ പുറത്തുവിടും എന്നാണ് സൂചന.
Read Also: ഏകദിന, ടി-20 ലോകകപ്പുകളിൽ കൂടുതൽ ടീമുകളെ ഉൾപ്പെടുത്തും; ഐസിസി