മാഡ്രിഡ്: ബാഡ്‌മിന്റൺ ലോക ചാമ്പ്യൻഷിപ്പിൽ ഇന്ത്യയുടെ മലയാളിതാരം എച്ച്എസ് പ്രണോയ് പ്രീ ക്വാർട്ടറിലെത്തി. മലേഷ്യയുടെ ഡാരൻ ല്യൂവിനെ 2ആം റൗണ്ടിൽ മറികടന്നാണ് പ്രണോയിയുടെ മുന്നേറ്റം, സ്‌കോർ (21-7, 21-17). പുരുഷ സിംഗിൾസിൽ ഇന്ത്യൻ താരങ്ങളായ കെ ശ്രീകാന്ത്, ലക്ഷ്യ സെൻ എന്നിവർ നേരത്തെ തന്നെ പ്രീ ക്വാർട്ടറിൽ എത്തിയിരുന്നു. ഇതിന് പിന്നാലെയാണ് പ്രണോയും മുന്നേറിയിരിക്കുന്നത്.
ആദ്യ ഗെയിം അനായാസം നേടിയ പ്രണോയിക്ക് പക്ഷേ, 2ആം ഗെയിമിൽ ല്യൂ വെല്ലുവിളി ഉയർത്തി. തുടക്കത്തിൽ ഒപ്പത്തിനൊപ്പം മുന്നേറിയെങ്കിലും സാവധാനം പ്രണോയ് ലീഡെടുത്തു. ഒടുവിൽ, ഗെയിമും കളിയും പിടിച്ചെടുത്ത പ്രണോയ് കരുത്തുകാട്ടി. വനിതാ ഡബിൾസിൽ അശ്വിനി പൊന്നപ്പ-എൻ സിക്കി റെഡ്ഡി സഖ്യവും പ്രീ ക്വാർട്ടറിലെത്തിയിട്ടുണ്ട്. ചൈനയുടെ ലിയു ഷുവാൻ-ഷിയ ടിങ് സഖ്യത്തെയാണ് അവർ തോൽപിച്ചത്.
Read Also: 5 വർഷത്തിൽ കൂടുതൽ അവധിയെടുത്താൽ ജോലി ഉണ്ടാവില്ല; ഹൈക്കോടതി
