ബഹ്റൈന്: ലോക ടൂറിസം ഓര്ഗനൈസേഷന് സെക്രട്ടറി ജനറല് സ്ഥാനത്തേക്ക് ബഹറിന് സാംസ്കാരിക പാരമ്പര്യ അതോറിറ്റി ചെയര് പേഴ്സണ് ശൈഖ മയയെ ബഹറിന് നിര്ദേശിച്ചു. സുസ്ഥിര ടൂറിസത്തിന്റെ വളര്ച്ചക്കും അഭിവൃദ്ധിക്കുമായി കൂടുതല് പ്രവര്ത്തിക്കാന് അവര്ക്ക് സാധിക്കുമെന്നാണ് രാജ്യത്തിന്റെ പ്രതീക്ഷ.
സാംസ്കാരിക ടൂറിസം രംഗത്ത് നല്കിയ സംഭാവനകളെ പരിഗണിച്ച് 2017 ല് ലോക ടൂറിസം ഓര്ഗനൈസേഷന് പ്രത്യേക അംബാസഡര് പദവി നല്കി ശൈഖ മയയെ ആദരിച്ചിരുന്നു.
Read Also: കസ്റ്റഡി കാലാവധി അവസാനിച്ചു; ശിവശങ്കറിനെ ഇന്ന് കോടതിയില് ഹാജരാക്കും
ലോക പൈതൃക പട്ടികയിലേക്ക് ബഹറിനെ എത്തിക്കുന്നതിലും ബഹറിന് പാരമ്പര്യ- സാംസ്കാരിക അതോറിറ്റിയുടെ വളര്ച്ചയിലും മികച്ച സംഭാവനകളാണ് ചെയര് പേഴ്സണ് ശൈഖ മയ നല്കിയത്.
നാമനിര്ദ്ദേശം അംഗീകരിക്കപ്പെട്ടാല് ടൂറിസം മേഖലയിലൂടെ വിവിധ രാജ്യങ്ങള് തമ്മിലുള്ള ബന്ധവും ശക്തിപ്പെടുത്താന് സാധിക്കുമെന്നാണ് ബഹറിന് കരുതുന്നത്.