51ആമത് ഐഎഫ്എഫ്ഐയില് ‘കണ്ട്രി ഇന് ഫോക്കസ്’ ആയി തിരഞ്ഞെടുക്കപ്പെട്ട് ബംഗ്ളാദേശ്. 2021 ജനുവരി 16 മുതല് 24 വരെയാണ് രാജ്യാന്തര ചലച്ചിത്രോല്സവം സംഘടിപ്പിച്ചിരിക്കുന്നത്. സംവിധായകന് പ്രിയദര്ശനും ഇത്തവണത്തെ ജൂറിയില് ഉള്പ്പെട്ടിട്ടുണ്ട്.
ഒരു രാജ്യത്തിന്റെ ചലച്ചിത്ര മേഖലയിലെ സംഭാവനകളെയും മികവുകളെയും അംഗീകരിക്കുന്നതിനുള്ള പ്രത്യേക വിഭാഗമാണ് ‘കണ്ട്രി ഇന് ഫോക്കസ്’. തന്വീര് മുകമ്മലിന്റെ ‘ജിബോന്ദുലി ‘, സഹീദുര് റഹിം അഞ്ജാന് സംവിധാനം ചെയ്ത ‘മെഘമല്ലാര്’, റുബായിയത്ത് ഹുസൈന്റെ സംവിധാനത്തില് എത്തിയ ‘അണ്ടര് കണ്സ്ട്രക്ഷന്’, നുഹാഷ് ഹുമയൂണും സംഘവും ചേര്ന്ന് നിര്മ്മിച്ച ‘സിന്സിയര്ലി യുവര്സ് ധാക്ക’ എന്നീ ചിത്രങ്ങളാണ് ‘കണ്ട്രി ഇന് ഫോക്കസ്’ വിഭാഗത്തില് ഇക്കുറി പ്രദര്ശിപ്പിക്കുന്നത്.
സുവര്ണ ചകോരത്തിനും മറ്റു പുരസ്കാരങ്ങള്ക്കും ആയി 15 ചിത്രങ്ങളാണ് ഇപ്രാവശ്യം തിരഞ്ഞെടുത്തിട്ടുള്ളത്. ഈ വര്ഷത്തെ മികച്ച ചില ചിത്രങ്ങളാണ് മേളയില് മല്സര വിഭാഗത്തില് മാറ്റുരക്കുന്നത്. സംവിധായകന് പ്രിയദര്ശനും ജൂറിയില് ഉള്പ്പെട്ടിട്ടുണ്ട് എന്നതാണ് മറ്റൊരു പ്രത്യേകത. പാബ്ളോ സെസര് ആണ് ജൂറി ചെയര്മാന്. പ്രിയദര്ശനെ കൂടാതെ ജൂറിയില് പ്രസന്ന വിധാനേജ്, അബുബക്കര് ഷാകി, റുബായത്ത് ഹൊസൈന് എന്നിവരുമുണ്ട്.