ന്യൂഡെൽഹി: ഈ സീസണിലെ രഞ്‌ജി ട്രോഫി മൽസരങ്ങള്‍ ഉപേക്ഷിക്കാന്‍ തീരുമാനിച്ചതായി ബിസിസിഐ അറിയിച്ചു. കോവിഡ് നിയന്ത്രണങ്ങളില്‍ ടൂര്‍ണമെന്റ് സംഘടിപ്പിക്കാന്‍ ബുദ്ധിമുട്ടുണ്ടെന്ന് ബിസിസിഐ അറിയിച്ചതോടെ ആണ് നീണ്ട 87 വര്‍ഷങ്ങള്‍ക്കിടെ ആദ്യമായി രഞ്‌ജി ട്രോഫി മൽസരം ഉപേക്ഷിക്കാൻ തീരുമാനമായത്.
കോവിഡ് വ്യാപനത്തിന്റെ പാശ്‌ചാത്തലത്തിൽ രണ്ട് ഘട്ടങ്ങളായി രഞ്‌ജി ട്രോഫി നടത്തുകയെന്ന മാർഗം മാത്രമായിരുന്നു ബിസിസിഐക്ക് മുന്നിൽ ഉണ്ടായിരുന്നത്. എന്നാല്‍ ഇതിന് ചെലവ് കൂടുതലാകുമെന്നും ഇതിനാൽ മൽസരം ഉപേക്ഷിക്കുക്കയാണ് എന്നും ബിസിസിഐ സെക്രട്ടറി ജയ് ഷാ വ്യക്‌തമാക്കി.
അതേസമയം വിജയ് ഹസാരെ ട്രോഫിയുമായി മുന്നോട്ടുപോകുമെന്നും ബിസിസിഐ അറിയിച്ചു.
Read Also: സാമ്പത്തിക സംവരണത്തിന് എതിരെ ജമാഅത്തെ ഇസ്‌ലാമി ഹിന്ദ് സുപ്രീം കോടതിയിൽ
