കൊൽക്കത്ത: പശ്ചിമ ബംഗാൾ ഡിജിപി വീരേന്ദ്രയെ ചുമതലയിൽ നീക്കി കേന്ദ്ര തിരഞ്ഞെടുപ്പ് കമ്മീഷൻ. നീരജ് നയൻ ഐപിഎസിനാണ് പകരം ചുമതല. വീരേന്ദ്രക്ക് തിരഞ്ഞെടുപ്പുമായി ബന്ധപ്പെട്ട് ഒരു ചുമതലയും നൽകരുതെന്നും കമ്മീഷൻ പറഞ്ഞു.
സംസ്ഥാനത്തെ ക്രമസമാധന നില വിലയിരുത്തിക്കൊണ്ടാണ് നടപടി. വീരേന്ദ്രയെ ഡിജിപി സ്ഥാനത്ത് നിന്ന് നീക്കണമെന്നും ഇക്കാര്യത്തിൽ നാളെ രാവിലെ 10 മണിക്കകം മറുപടി നൽകണമെന്നും കമ്മീഷൻ ചീഫ് സെക്രട്ടറിക്ക് അയച്ച കത്തിൽ പറയുന്നു.
ബംഗാളിൽ തിരഞ്ഞെടുപ്പിന് മുൻപായി നീക്കം ചെയ്യപ്പെടുന്ന രണ്ടാമത്തെ പൊലീസ് ഉദ്യോഗസ്ഥനാണ് വീരേന്ദ്ര. ഫെബ്രുവരി 27ന് ലോ ആന്റ് ഓർഡർ എഡിജി ജാവേദ് ഷമീമിനെ അഗ്നി രക്ഷാ വകുപ്പിലേക്ക് മാറ്റിയിരുന്നു.
Read also: പെട്രോളിയം ഉല്പ്പന്നങ്ങള്ക്ക് പുതിയ സെസ് ഏര്പ്പെടുത്തില്ല; കേന്ദ്ര ധനകാര്യ സഹമന്ത്രി