ന്യൂഡെൽഹി: ബംഗാളി മോഡലും നടിയുമായ ബിദിഷ ഡേ മജുംദാറിനെ(21) തൂങ്ങിമരിച്ച നിലയിൽ കണ്ടെത്തി. കൊൽക്കത്തയിലെ നഗേർബസാറിലുള്ള ഫ്‌ളാറ്റിലാണ് തൂങ്ങിമരിച്ച നിലയിൽ കണ്ടെത്തിയത്. ആത്‍മഹത്യ ആണെന്നാണ് പോലീസിന്റെ നിഗമനം. കൂടാതെ ആത്‍മഹത്യ കുറിപ്പ് കണ്ടെത്തിയതായും പോലീസ് വ്യക്‌തമാക്കി.
മൃതദേഹം പോസ്‌റ്റുമോർട്ടത്തിനായി ആർജി ഖാർ ആശുപത്രിയിലേക്ക് മാറ്റിയിരിക്കുകയാണ്. കഴിഞ്ഞ നാല് മാസമായി ബിദിഷ ഇവിടെ വാടകയ്‌ക്ക്‌ താമസിക്കുകയായിരുന്നു. കൂടാതെ അനുഭാബ് ബേര എന്നയാളുമായി ബിദിഷ പ്രണയത്തിലായിരുന്നു. പ്രണയ ബന്ധത്തിലെ പ്രശ്‌നങ്ങൾ കാരണം നടി വിഷാദത്തിലായിരുന്നതായും ബിദിഷയുടെ സുഹൃത്തുക്കൾ വ്യക്‌തമാക്കി. സംഭവത്തിൽ ബരാക്പുർ പോലീസ് അന്വേഷണം ആരംഭിക്കുകയും ചെയ്‌തു.
Read also: കേരളം പതിറ്റാണ്ടുകളായി ഉജ്ജ്വല മാതൃക; അഭിനന്ദിച്ച് രാഷ്‌ട്രപതി
