കൊൽക്കത്ത: പ്രശസ്ത ബംഗാളി മോഡലായ മഞ്ജുഷ നിയോഗി തൂങ്ങിമരിച്ച നിലയിൽ. കൊൽക്കത്തയിലെ പാട്ടുലിയിലുള്ള വസതിയിലാണ് മഞ്ജുഷയെ തൂങ്ങിമരിച്ച നിലയിൽ കണ്ടെത്തിയത്. കഴിഞ്ഞ ദിവസം ആത്മഹത്യ ചെയ്ത ബംഗാളി മോഡലായ ബിദിഷ ഡേ മജുംദാറിന് പിന്നാലെയാണ് ഇപ്പോൾ ബിദിഷയുടെ സുഹൃത്ത് കൂടിയായ മഞ്ജുഷ ആത്മഹത്യ ചെയ്തിരിക്കുന്നത്.
ഇതോടെ കഴിഞ്ഞ മൂന്ന് ദിവസത്തിനുള്ളിൽ ഉണ്ടായ രണ്ടാമത്തെ സംഭവമാണ് ഇതെന്ന് പോലീസ് വ്യക്തമാക്കി. ഒപ്പം തന്നെ മഞ്ജുഷയുടെ മൃതദേഹം പോസ്റ്റുമോർട്ടം നടപടികൾക്കായി ആശുപത്രിയിലേക്ക് മാറ്റിയതായും അധികൃതർ അറിയിച്ചു. ഇന്ന് രാവിലെയോടെയാണ് മഞ്ജുഷയെ ആത്മഹത്യ ചെയ്ത നിലയിൽ കണ്ടെത്തിയത്. അടുത്ത സുഹൃത്തായ ബിദിഷയുടെ മരണം മഞ്ജുഷയെ തളർത്തിയെന്നും വിഷാദം അലട്ടിയിരുന്നെന്നും മഞ്ജുഷയുടെ അമ്മ വ്യക്തമാക്കിയിട്ടുണ്ട്.
കഴിഞ്ഞ മെയ് 25ആം തീയതിയാണ് കൊൽക്കത്തയിലെ നഗേർബസാറിലെ ഫ്ളാറ്റിൽ ബംഗാളി നടിയും മോഡലുമായ ബിദിഷയെ തൂങ്ങിമരിച്ച നിലയിൽ കണ്ടെത്തിയത്. ആത്മഹത്യ ആണെന്നാണ് പ്രാഥമിക നിഗമനം.
Read also: ക്രീം ബണ്ണിൽ ക്രീമില്ല, കടക്കാരന് മർദ്ദനം; പ്രതികളെ പിടികൂടാനാകാതെ പോലീസ്