മലപ്പുറം: മാതാവിനോടൊപ്പം സ്കൂട്ടറിൽ യാത്ര ചെയ്യുന്നതിനിടെ പിക്കപ്പ് വാൻ ഇടിച്ച് വിദ്യാർഥിനി മരിച്ചു. ഗുരുവായൂർ മമ്മിയൂർ മുസല്യം വീട്ടിൽ റഹീമിന്റെ മകൾ നാലാം ക്ളാസുകാരി ഹയ (13) ആണ് മരിച്ചത്. പരീക്ഷ കഴിഞ്ഞ് മാതാവ് സുനീറയോടൊപ്പം സ്കൂട്ടറിൽ യാത്ര ചെയ്യുന്നതിനിടെയാണ് അപകടത്തിൽപ്പട്ടത്. തൃശൂർ-കുറ്റിപ്പുറം സംസ്ഥാന പാതയിൽ ചങ്ങരംകുളം പാവിട്ടപ്പുറത്തായിരുന്നു അപകടം.
തൃശൂരിൽ നിന്ന് ചങ്ങരംകുളത്തെ ബാങ്കിലേക്ക് പോവുകയായിരുന്ന പിക്കപ്പ് വാൻ സ്കൂട്ടറിന് പിന്നിൽ ഇടിക്കുകയായിരുന്നു. ഇടിയുടെ ആഘാതത്തിൽ റോഡിലേക്ക് തെറിച്ചുവീണ ഇരുവരെയും നാട്ടുകാർ ചങ്ങരംകുളത്തെ സ്വകാര്യ ആശുപത്രിയിൽ എത്തിച്ചെങ്കിലും ഹസയെ രക്ഷിക്കാനായില്ല. സുനീറ പരിക്കുകളോടെ ആശുപത്രിയിൽ ചികിൽസയിലാണ്.
പെരുമ്പിലാവ് അൻസാർ സ്കൂളിലെ നാലാം ക്ളാസ് വിദ്യാർഥിയാണ് ഹയ. സ്വകാര്യ ആശുപത്രിയിൽ സൂക്ഷിച്ച മൃതദേഹം പോലീസ് നടപടികൾ പൂർത്തിയാക്കി പോസ്റ്റുമോർട്ടത്തിന് ശേഷം ബന്ധുക്കൾക്ക് വിട്ടുകൊടുക്കും.
Most Read: അയവില്ലാതെ കർണാടക; യാത്രാ നിയന്ത്രണം നീട്ടി