ബംഗളൂര്: ലഹരിക്കടത്തുമായി ബന്ധപ്പെട്ട സാമ്പത്തിക ഇടപാട് കേസില്‍ അറസ്റ്റിലായ ബിനീഷ് കോടിയേരിയെ എൻഫോഴ്‌സ്‌മെന്റ് ഡയറക്റ്ററേറ്റ് ഇന്നും ചോദ്യം ചെയ്യും. കേരളത്തില്‍ നടത്തിയ റെയ്ഡില്‍ ശേഖരിച്ച ഡിജിറ്റല്‍ തെളിവുകളില്‍ കൂടുതല്‍ അന്വേഷണം വേണമെന്ന നിലപാടിലാണ് ഇഡി തുടര്‍ച്ചയായ പതിനൊന്നാം ദിവസമാണ് അന്വേഷണ സംഘം ബിനീഷിനെ ചോദ്യം ചെയ്യുന്നത്.
അതേസമയം നര്‍ക്കോട്ടിക്ക് കണ്‍ട്രോള്‍ ബ്യൂറോയും ബിനീഷിനെ ചോദ്യം ചെയ്യണമെന്ന് ആവശ്യപ്പെട്ട് കോടതിയെ സമീപിച്ചിട്ടുണ്ട്.
ബിനീഷ് നേരിട്ട് നിയന്ത്രിച്ച അഞ്ച് കമ്പനികളിലേക്കും ഇഡി അന്വേഷണം വ്യാപിപ്പിക്കുന്നുണ്ട്. ബിനീഷിന്റെ കസ്‌റ്റഡി കാലാവധി ബുധനാഴ്‌ചയാണ് അവസാനിക്കുക. ബിനീഷ് സമര്‍പ്പിച്ച ജാമ്യാപേക്ഷയും ബുധനാഴ്‌ച കോടതി പരിഗണിക്കും.
Read Also: എംസി കമറുദ്ദീന്റെ കസ്‌റ്റഡി അപേക്ഷ കോടതി ഇന്ന് പരിഗണിക്കും
