കണ്ണൂര്: പട്ടുവത്ത് കർഷകരെ കണ്ണീരിലാക്കി വയലുകളിൽ പക്ഷി ശല്യം രൂക്ഷം. കണ്ണൂരിന്റെ നെല്ലറയായ പട്ടുവത്ത് വിത്തിട്ട് മണിക്കൂറുകൾക്കകമാണ് പ്രാവ്, ഏള തുടങ്ങിയ പക്ഷികൾ കൂട്ടമായെത്തി എല്ലാം തിന്ന് തീർക്കുന്നത്.
വയലിൽ വിത്ത് ഇട്ടാൽ മണിക്കൂറുകൾക്കകം മുഴുവനായും ഇവ അകത്താക്കുമെന്ന് കർഷകർ പറയുന്നു. ഇതോടെ രാവും പകലുമെന്ന വ്യത്യാസമില്ലാതെ പക്ഷികളെ അകറ്റാൻ വയലിൽ കാവൽ നില്ക്കുകയാണ് കര്ഷകര്. മഴയിലും വെയിലിലും ഒരുപോലെ കർഷകർ രാവിലെ ആറ് മുതല് വൈകീട്ട് ആറ് വരെ വയലില് തുടരുന്നു.
മറ്റ് പല മാര്ഗങ്ങള് പരീക്ഷിച്ചിട്ടും ഫലമില്ലാതായതോടെ ആണ് വയലില് തുടരുന്നതെന്ന് കർഷകർ പറയുന്നു. നിലവിൽ അലുമിനിയം പാത്രം ഉപയോഗിച്ച് ശബ്ദമുണ്ടാക്കിയാണ് ഇവര് പക്ഷികളെ അകറ്റുന്നത്.
Malabar News: ലോക്ക്ഡൗണ് ലംഘിച്ചവരെ പരിശോധനക്കയച്ച് പോലീസ്; 13 പേര്ക്ക് കോവിഡ് പോസിറ്റിവ്