എറണാകുളം: കൊച്ചിയിൽ നിന്ന് പുറപ്പെട്ട മൽസ്യബന്ധന ബോട്ട് ലക്ഷദ്വീപിന് സമീപം കടലിൽ മുങ്ങിയതായി റിപ്പോർട്. തമിഴ്നാട്ടിൽ നിന്നുള്ള മുരുകൻ തുണെ എന്ന ബോട്ടാണ് മുങ്ങിയത്.
ഏപ്രിൽ 29ന് കൊച്ചിയിൽ നിന്ന് പുറപ്പെട്ട മൂന്ന് ബോട്ടുകളിൽ ഒന്നാണ് മുരുകൻ തുണെ. ബോട്ടിൽ ഉടമയടക്കം എട്ട് പേരാണ് ഉണ്ടായിരുന്നത്. ബോട്ട് കാണാതായ വിവരം മറ്റ് ബോട്ടിലെ തൊഴിലാളികളാണ് ബന്ധുക്കളെ അറിയിച്ചത്. ബോട്ട് മുങ്ങി പോയതായി സാറ്റ്ലൈറ്റ് ഫോൺ വഴി വിവരം ലഭിച്ചെന്ന് മൽസ്യ തൊഴിലാളികൾ പറഞ്ഞതായി ട്വന്റിഫോർ റിപ്പോർട് ചെയ്യുന്നു.
അതേസമയം, ബോട്ടിലെ മൂന്ന് പേരെ രക്ഷപ്പെടുത്തിയെന്നും രക്ഷപ്പെട്ടവർ ബന്ധുക്കളെ വിളിച്ചുവെന്നും റിപ്പോർട്ടുണ്ട്.
Read also: മിക്കയിടങ്ങളിലും വൈദ്യുതി മുടങ്ങി, ജനങ്ങൾ സഹകരിക്കണം; കെഎസ്ഇബി ചെയർമാൻ
