ബെംഗളൂരു: നാല് സ്കൂളുകളിൽ ബോംബ് വച്ചിട്ടുണ്ടെന്ന് അജ്ഞാത ഇ-മെയിൽ ലഭിച്ചതായി റിപ്പോർട്. ഇന്ന് രാവിലെ 10.25ന് സെന്റ് വിൻസെന്റ് പല്ലോട്ടി സ്കൂൾ, സുലേകുണ്ടെയിലെ ഡെൽഹി പബ്ളിക് സ്കൂൾ, ഇ-സിറ്റിയിലെ എബനേസർ ഇന്റർനാഷണൽ സ്കൂൾ, മഹാദേവപുരയിലെ മറ്റൊരു സ്കൂൾ എന്നിവിടങ്ങളിലാണ് ഇ-മെയിൽ ലഭിച്ചതെന്ന് എൻഡിടിവി അടക്കമുള്ള ദേശീയ മാദ്ധ്യമങ്ങൾ റിപ്പോർട് ചെയ്യുന്നു.
സ്കൂളുകൾക്ക് ലഭിച്ച അജ്ഞാത മെയിലിൽ, സ്കൂളിൽ ബോംബ് വച്ചിട്ടുണ്ടെന്നും, സ്കൂൾ അധികൃതർ ഇതിനെ നിസാരമായി കാണരുതെന്നുമാണ് പറയുന്നത്. സ്കൂൾ അധികൃതരോട് എത്രയും വേഗം പോലീസിനെ അറിയിക്കാനും മെയിലിൽ മുന്നറിയിപ്പ് നൽകുന്നു.
ഇതേത്തുടർന്ന് സ്കൂളുകളിൽ പോലീസ് കർശന പരിശോധന നടത്തിവരികയാണ്. മെയിൽ സംബന്ധിച്ച് അന്വേഷണം തുടരുകയാണെന്നും ബെംഗളൂരു പോലീസ് മേധാവി സ്ഥിരീകരിച്ചിട്ടുണ്ട്.
Most Read: വധഗൂഢാലോചന കേസ്; സായ് ശങ്കറിനെ ക്രൈം ബ്രാഞ്ച് കസ്റ്റഡിയിൽ എടുത്തു