ലണ്ടൻ: ഇന്ത്യയിൽ നിന്നുള്ള യാത്രക്കാർക്ക് ഏർപ്പെടുത്തിയിരുന്ന കോവിഡ് നിയന്ത്രങ്ങളിൽ ഇളവ് പ്രഖ്യാപിച്ച് ബ്രിട്ടൻ. രണ്ട് ഡോസ് വാക്‌സിൻ സ്വീകരിച്ച ശേഷം രാജ്യത്ത് എത്തുന്ന ഇന്ത്യക്കാർക്ക് ഇനി മുതൽ ഇൻസ്‌റ്റിറ്റ്യൂഷണൽ ക്വാറന്റെയ്ൻ നിർബന്ധമില്ല. ഇന്ത്യയെ റെഡ് ലിസ്‌റ്റിൽ നിന്ന് ഒഴിവാക്കിയതിന് പിന്നാലെയാണ് കൂടുതൽ ഇളവുകൾ പ്രഖ്യാപിച്ചത്.
ഇന്ത്യയിൽ നിന്നുള്ള യാത്രക്കാർക്ക് ഇനി മുതൽ യുകെയിലെത്തിയാൽ തങ്ങൾക്കിഷ്‌ടമുള്ള സ്‌ഥലത്ത് 10 ദിവസം സ്വയം നിരീക്ഷണത്തിൽ കഴിയാം. അഞ്ച് ദിവസത്തിന് ശേഷം പരിശോധന നടത്തി നെഗറ്റീവായാൽ ക്വാറന്റെയ്ൻ അവസാനിക്കും. ഇന്ത്യക്ക് പുറമെ ഖത്തർ, യുഎഇ, ബഹ്റൈൻ എന്നീ രാജ്യങ്ങളെയും റെഡ് ലിസ്‌റ്റിൽ നിന്ന് ഒഴിവാക്കിയിട്ടുണ്ട്.
Read Also: ഓണാഘോഷം: കര്‍ശന നിയന്ത്രണങ്ങള്‍ വേണം; കേന്ദ്ര ആരോഗ്യ മന്ത്രാലയം
