വയനാട്: മെഡിക്കല് കോളേജ് മാനന്തവാടിയില് നിര്മിക്കാന് മന്ത്രിസഭ തീരുമാനം. പുതിയ മെഡിക്കല് കോളേജ് മാനന്തവാടിക്കടുത്ത് ബോയ്സ് ടൗണിലെ സര്ക്കാര് ഭൂമിയില് നിർമിക്കാനാണ് സര്ക്കാര് തീരുമാനം.
നിർമാണം പൂര്ത്തിയാകും വരെ മാനന്തവാടിയിലെ ജില്ലാ ആശുപത്രി മെഡിക്കല് കോളേജായി പ്രവര്ത്തിക്കാനും തീരുമാനമായി.
ജില്ലാ കക്ടറുടെ നേതൃത്വത്തിലുള്ള സംഘം നേരത്തെ ബോയ്സ് ടൗണിലെത്തി പരിശോധന നടത്തിയിരുന്നു. പരിസ്ഥിതി പ്രശ്നങ്ങളോ മറ്റോ ഇല്ലാത്തതിനാല് ഇവിടെ മെഡിക്കല് കോളേജ് പണിയാമെന്ന കളക്ടറുടെ റിപ്പോര്ട്ടിന്റെ അടിസ്ഥാനത്തിൽ ആണ് നിലവിലെ മന്ത്രിസഭാ തീരുമാനം.
നേരത്തെ മടക്കി മലയിലെയും ചുണ്ടേലെയിലെയും ഭൂമി മെഡിക്കൽ കോളേജ് നിർമാണത്തിനായി അധികൃതർ കണ്ടെത്തിയിരുന്നു. എന്നാൽ ഇവ അനുയോജ്യമെല്ലെന്ന് വിദഗ്ധ സമിതി സര്ക്കാരിന് റിപ്പോര്ട് നൽകുക ആയിരുന്നു. തുടർന്നാണ് മാനന്തവാടിയിൽ മെഡിക്കൽ കോളേജ് നിർമിക്കാൻ തീരുമാനമായത്.
Read Also: ഓളപ്പരപ്പിലൂടെ സുഖയാത്ര; വരുന്നു ‘കറ്റാമറൈൻ’ ബോട്ടുകൾ; ആദ്യഘട്ടം എറണാകുളത്ത്