പാലക്കാട്: ലോറിയിൽ കടത്താൻ ശ്രമിച്ച 4 കിലോ കഞ്ചാവുമായി നാലു യുവാക്കൾ വാളയാർ അതിർത്തിയിൽ പിടിയിൽ. കണ്ണൂർ ചേലോറ സജിത്ത് (43), മുണ്ടേരി നൗഷാദ് (39), ചേലോറ അക്ഷയ് രാജ് (23), കൊല്ലം തലവൂർ സുഭാഷ് (36) എന്നിവരാണ് പിടിയിലായത്.
വാഹന പരിശോധന സ്ക്വാഡും പാലക്കാട് എക്സൈസ് സർക്കിൾ ഓഫീസ് സംഘവും സംയുക്തമായി നടത്തിയ പരിശോധനയിലാണ് ഇവരെ പിടികൂടിയത്. ആന്ധ്രയിൽ നിന്നും പഴവർഗങ്ങൾ കൊണ്ടുവന്ന ലോറിയിൽ നിന്നാണ് കഞ്ചാവ് പിടിച്ചെടുത്തത്. ഡ്രൈവർ ക്യാബിനുള്ളിൽ ഒളിപ്പിച്ച നിലയിലായിരുന്നു കഞ്ചാവ്.
സ്ക്വാഡ് ഇൻസ്പെക്ടർ കെഎസ് പ്രശോഭ്, സിഐ പി അനിൽകുമാർ, പ്രിവന്റീവ് ഓഫീസർമാരായ എ ജയപ്രകാശൻ, ആർ വേണുകുമാർ, എസ് മൻസൂർ അലി, സിഇഒമാരായ ബി ഷൈബു, കെ ജ്ഞാനകുമാർ, കെ അഭിലാഷ്, അനിൽകുമാർ, എം അഷറഫലി, എ ബിജു, വിവേക്, നിഖിൽ, ഡ്രൈവർമാരായ ലൂക്കോസ്, കൃഷ്ണകുമാരൻ, സർക്കിൾ ഓഫീസിലെ പ്രിവന്റീവ് ഓഫീസർമാരായ എൻ സന്തോഷ്, പി സന്തോഷ് കുമാർ, സിഇഒമാരായ രാമകൃഷ്ണൻ, അഹമ്മദ് കബീർ, ശശികുമാർ, ഫൈസൽ റഹ്മാൻ, രാധാകൃഷ്ണൻ, ഡ്രൈവർ മുരളി മോഹനൻ എന്നിവർ പരിശോധനയിൽ പങ്കെടുത്തു.
Read also: കോവിഡ് വ്യാപനതോതിൽ മാറ്റമില്ല; ജില്ലയിൽ ഇന്നലെയും 2500 കടന്ന് രോഗികൾ