മലപ്പുറം: ജില്ലയിലെ കോവിഡ് വ്യാപനതോത് ഉയർന്ന് തന്നെ. ഇന്നലെയും 2,500ൽ കൂടുതൽ ആളുകൾക്ക് കോവിഡ് സ്ഥിരീകരിച്ചു. കഴിഞ്ഞ മൂന്നു ദിവസത്തിനുള്ളിൽ 8,192 പേരാണ് ജില്ലയിൽ പോസിറ്റീവ് ആയത്. ഇന്നലെ 2,745 പേർ പോസിറ്റീവ് പോസിറ്റീവ് ആയി. ഇതിൽ 2,634 പേർക്കും നേരിട്ടുള്ള സമ്പർക്കത്തിലൂടെയാണ് രോഗം പകർന്നത്.
ഉറവിടമറിയാത്തവരുടെ എണ്ണം 86. മറ്റുരോഗബാധിതരിൽ അഞ്ചുപേർ വിദേശത്തുനിന്നും 20 പേർ ഇതര സംസ്ഥാനങ്ങളിൽ നിന്നും എത്തിയതാണ്. വിദഗ്ധ ചികിൽസക്ക് ശേഷം ഇന്നലെ 540 പേർകൂടി നെഗറ്റീവ് ആയതോടെ ജില്ലയിൽ ഇതുവരെ 1,27,249 പേർ രോഗമുക്തി നേടി. ഇതുവരെ 645 പേരാണ് കോവിഡ് ബാധിച്ച് ജില്ലയിൽ മരിച്ചത്. 19,583 പേർ ചികിൽസയിലും 35,871 പേർ നിരീക്ഷണത്തിലുമുണ്ട്.
Also Read: കോവിഡിനൊപ്പം ഡെങ്കിപ്പനിയും; കണ്ണൂരിൽ ആശങ്ക