തിരുവനന്തപുരം: നടിയെ ആക്രമിച്ച കേസില്‍ ദിലീപിനെ വീണ്ടും ചോദ്യം ചെയ്യും. സംവിധായകന്‍ ബാലചന്ദ്ര കുമാറിന്റെ വെളിപ്പെടുത്തലിന്റെ പശ്‌ചാത്തലത്തിലാണ് അന്വേഷണ സംഘത്തിന്റെ പുതിയ നീക്കം. 20നകം അന്വേഷണ റിപ്പോര്‍ട് സമര്‍പ്പിക്കാന്‍ കോടതി നിര്‍ദ്ദേശിച്ചു. ഡിസംബര്‍ 25നാണ് ഒരു സ്വകാര്യ ചാനലിലൂടെ സംവിധായകനായ ബാലചന്ദ്ര കുമാര്‍ ദിലീപിനെതിരെ നിര്‍ണായക വെളിപ്പെടുത്തല്‍ നടത്തിയത്.
എന്നാൽ മുഖ്യമന്ത്രിയുടെ ഓഫിസില്‍ ബാലചന്ദ്ര കുമാര്‍ ആദ്യമായി പരാതി നല്‍കുന്നത് കഴിഞ്ഞ നവംബര്‍ 25നാണ്. ഇതിനെ തുടര്‍ന്ന് കേസ് വീണ്ടും അന്വേഷിക്കണമെന്ന് ആക്രമിക്കപ്പെട്ട നടി തന്നെ ആവശ്യപ്പെടുകയായിരുന്നു. ബാലചന്ദ്ര കുമാറിന്റെ വെളിപ്പെടുത്തലിനെ തുടര്‍ന്ന് ആശങ്ക രേഖപ്പെടുത്തികൊണ്ട് അക്രമിക്കപ്പെട്ട നടി മുഖ്യമന്ത്രിക്ക് പരാതി നല്‍കിയിരുന്നു.
Read Also: പത്‌മനാഭസ്വാമി ക്ഷേത്രം നിത്യചിലവിന് കടമെടുക്കുന്നു; 2 കോടി നൽകി സർക്കാർ
