ന്യൂഡെൽഹി : രാജ്യത്തെ വിവിധ സംസ്‌ഥാനങ്ങളിൽ ലോക്ക്ഡൗൺ മൂലം വ്യാപാര സ്‌ഥാപനങ്ങൾ പ്രവർത്തിക്കാൻ ഏർപ്പെടുത്തിയ നിശ്‌ചിത സമയപരിധിയിൽ നിന്നും റേഷൻ കടകളെ ഒഴിവാക്കണമെന്ന് കേന്ദ്രം നിർദ്ദേശിച്ചു. കഴിയുമെങ്കിൽ ആഴ്‌ചയിൽ എല്ലാ ദിവസവും റേഷൻ കടകൾ തുറക്കാൻ അനുമതി നൽകണമെന്നും കേന്ദ്രം സംസ്‌ഥാനങ്ങളോട് ആവശ്യപ്പെട്ടു.
പിഎംജികെഎവൈ, എൻഎഫ്എസ്എ പദ്ധതികൾ വഴിയുള്ള ഭക്ഷ്യധാന്യങ്ങൾ ഗുണഭോക്‌താക്കൾക്ക് തടസമില്ലാതെ സമയബന്ധിതമായി ലഭ്യമാക്കണം. ഇതിനായി എല്ലാ സംസ്‌ഥാനങ്ങളിലും റേഷൻകടകൾ കൃത്യമായി പ്രവർത്തിക്കണമെന്നും കേന്ദ്രം വ്യക്‌തമാക്കി. മിക്ക സംസ്‌ഥാനങ്ങളിലും ലോക്ക്ഡൗൺ നിലനിൽക്കുന്നതിനാൽ പല സമയങ്ങളിലായി വിതരണം നടത്തണമെന്നും കേന്ദ്രം അറിയിച്ചു.
Read also : പ്രശസ്‌ത എഴുത്തുകാരൻ യുഎ ഖാദറിന്റെ ഭാര്യ അന്തരിച്ചു
