തിരുവനന്തപുരം: സംസ്ഥാനത്ത് വിവിധ ജില്ലകളില് കനത്ത മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ശക്തമായ കാറ്റിനും ഇടിമിന്നലോട് കൂടിയ മഴക്കുമാണ് സാധ്യത. കൊല്ലത്ത് യെല്ലോ അലര്ട് പ്രഖ്യാപിച്ചു. നാളെ ഇടുക്കിയില് മഴമുന്നറിയിപ്പ് നൽകിയിട്ടുണ്ട്.
കേരള-കര്ണാടക തീരങ്ങളിലും അതിനോട് ചേര്ന്നുള്ള ലക്ഷദ്വീപ് തീരങ്ങളിലും അതിശക്തമായ കാറ്റിനും മോശം കാലാവസ്ഥക്കും സാധ്യതയുണ്ട്. മണിക്കൂറില് പരമാവധി 50 കിമി വരെ വേഗത്തില് കാറ്റ് വീശിയേക്കുമെന്നാണ് മുന്നറിയിപ്പ്.
കേരള-കര്ണാടക-ലക്ഷദ്വീപ് തീരങ്ങളില് മൽസ്യ ബന്ധനത്തിന് പോകരുതെന്നും നിര്ദ്ദേശമുണ്ട്. പൊതുജനങ്ങള് ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി അറിയിച്ചു.
Read Also: ലോക്ക്ഡൗൺ മൂന്നാം ദിവസത്തിലേക്ക്; പരിശോധന കർശനമാക്കാൻ പോലീസ്