ആറു കഥകളും ആറു സംവിധായകരും അണിനിരക്കുന്ന ആന്തോളജി വിഭാഗത്തിൽ വരുന്ന ‘ചെരാതുകൾ’ സിനിമയുടെ മോഷൻ പോസ്റ്റർ പുറത്തിറക്കി. ഛായാഗ്രഹകരും, ചിത്രസംയോജകരും, സംഗീത സംവിധായകരും ഉൾപ്പടെ ഏതാണ്ട് നൂറിൽപ്പരം യുവ സാങ്കേതിക വിദഗ്ധർ ഒരുമിക്കുന്ന ചിത്രമാണ് ‘ചെരാതുകൾ’.
123 മ്യൂസിക്സ് അവരുടെ യൂട്യൂബ് ചാനലിലൂടെയാണ് മോഷൻ പോസ്റ്റർ പുറത്തിറക്കിയത്. പ്രേക്ഷകർക്കു മുന്നിലെത്തുന്നതിന് മുൻപുതന്നെ ലണ്ടൻ, സിങ്കപ്പൂർ ഫിലിം ഫെസ്റ്റിവലുകൾ ഉൾപ്പടെ, ഇന്ത്യയിലും വിദേശത്തുമായി 43 അവാർഡുകൾ നേടിയെടുത്ത സിനിമയാണ് ‘ചെരാതുകൾ‘.
ആദിൽ, മറീന മൈക്കിൽ, മാല പാർവതി എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന സിനിമയിൽ മനോഹരി ജോയ്, പാർവതി അരുൺ, മരിയ പ്രിൻസ്, ബാബു അന്നൂർ, അശ്വിൻ ജോസ്, അനൂപ് മോഹൻദാസ് തുടങ്ങിയവരും അഭിനയിക്കുന്നു.
ഡോക്ടർ മാത്യു മാമ്പ്ര നിർമാണം നിർവഹിക്കുന്ന ചിത്രത്തിൽ ആറു ഛായാഗ്രഹകരും ആറു ചിത്രസംയോജകരും ആറു സംഗീത സംവിധായകരും അണിനിരക്കുന്നു. ശ്രീജിത് ചന്ദ്രൻ, ജയേഷ് മോഹൻ, അനു കുരിശിങ്കൽ, ഫവാസ് മുഹമ്മദ്, ഷാജൻ എസ് കല്ലായ്, ഷനൂപ് കരുവത്ത് എന്നിവരാണ് സംവിധായകർ. വാർത്താ പ്രചാരണം പി ശിവപ്രസാദാണ് നിർവഹിക്കുന്നത്.
Most Read: ശീതള പാനീയത്തിന്റെ അടപ്പ് തുറന്ന് രണ്ട് തേനീച്ചകൾ; വീഡിയോ വൈറൽ