ചികിൽസക്കായി അമേരിക്കയിലേക്ക് പുറപ്പെട്ട് മുഖ്യമന്ത്രി

By Team Member, Malabar News
Chief Minister Pinarayi Vijayan To America For Medical Treatment

തിരുവനന്തപുരം: തുടർ ചികിൽസയുടെ ഭാഗമായി മുഖ്യമന്ത്രി പിണറായി വിജയൻ അമേരിക്കയിലേക്ക് പുറപ്പെട്ടു. ഇന്ന് പുലർച്ചെ 4.40നുള്ള എമിറേറ്റ്സ് വിമാനത്തിൽ കൊച്ചിയിലെ നെടുമ്പാശേരി വിമാനത്താവളത്തിൽ നിന്നുമാണ് അദ്ദേഹം യാത്ര പുറപ്പെട്ടത്. ഭാര്യ കമല, പേഴ്‌സണൽ അസിസ്‌റ്റന്റ് സുനീഷ് എന്നിവരാണ് അദ്ദേഹത്തിനൊപ്പം ഉള്ളത്.

അമേരിക്കയിലെ മയോ ക്ളിനിക്കിലാണ് മുഖ്യമന്ത്രിയുടെ ചികിൽസ നടക്കുന്നത്. ഈ മാസം 29ആം തീയതി ചികിൽസ പൂർത്തിയാക്കി അദ്ദേഹം നാട്ടിലെത്തും. അതുവരെയുള്ള ഭരണച്ചുമതല അദ്ദേഹം മറ്റാർക്കും നൽകിയിട്ടില്ല. മന്ത്രിമാരുടെ യോഗത്തിലും, കോവിഡ് അവലോകന യോഗത്തിലും അടക്കം മുഖ്യമന്ത്രി ഓൺലൈനായി പങ്കെടുക്കും.

അതേസമയം തന്നെ ചികിൽസയുടെ ഭാഗമായുള്ള വിദേശയാത്രയുടെ കാര്യം ഇന്നലെ മുഖ്യമന്ത്രി ഗവർണർ ആരിഫ് മുഹമ്മദ് ഖാനെ ഫോണിൽ വിളിച്ച് അറിയിച്ചിരുന്നു. ആദ്യ തവണ മുഖ്യമന്ത്രി അമേരിക്കയിൽ ചികിൽസക്കായി പോയത് 2018 സെപ്റ്റംബറിലാണ്. അന്നും ഭരണച്ചുമതല മറ്റാർക്കും നൽകാതെയാണ് അദ്ദേഹം വിദേശത്ത് പോയത്.

Read also: സ്‌കൂൾ അടയ്‌ക്കൽ; തീരുമാനം ഉടൻ, മാർഗരേഖ പുറത്തിറക്കാൻ വിദ്യാഭ്യാസ വകുപ്പ്

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE