ചിമ്പു, ഗൗതം കാർത്തിക് എന്നിവർ ഒന്നിക്കുന്ന പുതിയ ചിത്രം ‘പത്ത് തല’യുടെ റിലീസ് തീയതി പ്രഖ്യാപിച്ചു. ഡിസംബർ 14ന് ചിത്രം പ്രേക്ഷകർക്കരികിൽ എത്തും. ചിത്രത്തിന്റെ നിർമാതാക്കൾ തന്നെയാണ് റിലീസ് തീയതി പുറത്തുവിട്ടത്.
2017ൽ പുറത്തിറങ്ങിയ കന്നഡ ചിത്രം ‘മുഫ്തി’യുടെ റീമേക്കാണ് ‘പത്ത് തല’. ‘സില്ലുന് ഒരു കാതൽ, നേടുഞ്ചാലൈ’ തുടങ്ങിയ ഹിറ്റ് ചിത്രങ്ങളുടെ സംവിധായകൻ ബെലി എൻ കൃഷ്ണയാണ് ‘പത്ത് തല’ സംവിധാനം ചെയ്യുന്നത്.
പ്രിയ ഭവാനി ശങ്കർ നായികയാകുന്ന ചിത്രത്തിൽ ഗൗതം വാസുദേവ് മേനോൻ, കലൈയരശൻ, ടീജയ് അരുണാസലം എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ജയന്തിലാൽ ഗഡയും കെഇ ജ്ഞാനവേൽ രാജയും ചേർന്നാണ് നിർമാണം.
എആർ റഹ്മാനാണ് ചിത്രത്തിന് സംഗീതമൊരുക്കുന്നത്. ഫറൂഖ് ജെ ബാഷ ഛായാഗ്രഹണവും പ്രവീൺ കെ എൽ എഡിറ്റിങ്ങും നിർവഹിക്കുന്നത്.
Most Read: എല്ലാ മതങ്ങളും പരസ്പരം ബഹുമാനിക്കണം; ഉദയ്പൂർ കൊലപാതകത്തെ അപലപിച്ച് യുഎൻ