ന്യൂ ഡെൽഹി: കിഴക്കൻ ലഡാക്കിൽ ചൈനയുമായുള്ള അതിർത്തി സംഘർഷം നിലനിൽക്കുന്നതിനിടെ അരുണാചൽ പ്രദേശിൽ നിന്ന് അഞ്ച് ഗ്രാമീണരെ ചൈനീസ് സൈന്യം തട്ടിക്കൊണ്ടുപോയതായി കോൺഗ്രസ് എംഎൽഎയുടെ ആരോപണം. മത്സ്യബന്ധനത്തിന് പോയ ഗ്രാമീണരെയാണ് പീപ്പിൾസ് ലിബറേഷൻ ആർമി (പിഎൽഎ) തട്ടിക്കൊണ്ടുപോയതെന്ന് അരുണാചൽ പ്രദേശ് എംഎൽഎ നിനോംഗ് എറിംഗ് പറഞ്ഞു.
അരുണാചൽ പ്രദേശിലെ ഇന്ത്യ-ചൈന അതിർത്തിയിൽ അപ്പർ സുബാൻസിരി ജില്ലയിലെ തനു ബക്കർ, പ്രസാത് റിംഗ്ലിംഗ്, എൻഗരു ദിരി, ഡോങ്‌തു എബിയ, ടോച്ച് സിങ്കം എന്നീ അഞ്ച് പേരെ തട്ടിക്കൊണ്ടുപോയി എന്നാണ് അദ്ദേഹത്തിന്റെ ആരോപണം. ലഡാക്കിനും ഡോക് ലാമിനും ശേഷം ചൈനീസ് സൈന്യം അരുണാചൽ പ്രദേശിൽ ആക്രമണം ആരംഭിച്ചതായി നിനോംഗ് എറിംഗ് പറഞ്ഞതായി ഇന്ത്യാ ടുഡേ റിപ്പോർട്ട് ചെയ്തു. ചൈനക്കാർ യഥാർത്ഥ നിയന്ത്രണ രേഖ മറികടന്നുവെന്നും അദ്ദേഹം ആരോപിച്ചു. ഇത് രണ്ടാം തവണയാണ് ചൈന ഇന്ത്യക്കാരെ തട്ടിക്കൊണ്ടു പോകുന്നതെന്നും വളരെ നിർഭാഗ്യകരമായ സംഭവമാണ് ഇതെന്നും അദ്ദേഹം പറഞ്ഞു.
SHOCKING NEWS: Five people from Upper Subansiri district of our state Arunachal Pradesh have reportedly been ‘abducted’ by China’s People’s Liberation Army (PLA).
Few months earlier,a similar incident happened. A befitting reply must be given to #PLA and #CCPChina. @PMOIndia https://t.co/8gRdGsQfId pic.twitter.com/KbDMJ3bUi2
— Ninong Ering (@ninong_erring) September 4, 2020
