തിരുവനന്തപുരം: കോവിഡ് ദുരിതാശ്വാസ പ്രവര്‍ത്തനങ്ങളുടെ ഭാഗമായി സര്‍ക്കാര്‍ സൗജന്യമായി നല്‍കുന്ന ഭക്ഷ്യകിറ്റിന്റെ വിതരണം വ്യാഴാഴ്‌ച ആരംഭിക്കും. ക്രിസ്‌മസ് കിറ്റായാണ് ഈ മാസത്തെ ഭക്ഷ്യക്കിറ്റ് വിതരണം ചെയ്യുക. മാസ്‌ക് ഉള്‍പ്പടെ ഇത്തവണത്തെ കിറ്റില്‍ 11 ഇനം വിഭവങ്ങളാണ് ഉണ്ടാകുക.
എല്ലാ കാര്‍ഡുടമകള്‍ക്കും റേഷന്‍ കടകള്‍ വഴി കിറ്റ് ലഭിക്കുമെന്ന് സിവില്‍ സപ്ളൈസ് അധികൃതര്‍ അറിയിച്ചു. നവംബറിലെ കിറ്റ് വിതരണം പുരോഗമിക്കുകയാണ്. കൂടാതെ ഒക്‌ടോബറിലെ കിറ്റ് വാങ്ങാനുള്ള അവസാന തീയതി ഡിസംബര്‍ അഞ്ചാക്കിയും നിശ്‌ചയിച്ചിട്ടുണ്ട്.
Read Also: സ്വര്‍ണക്കടത്ത്; കസ്‌റ്റംസിന്റെ അന്വേഷണ പുരോഗതി നിരീക്ഷിക്കുമെന്ന് കോടതി
ക്രിസ്‌മസ് കിറ്റില്‍ ഉള്‍പ്പെടുന്നവ:
- കടല – 500 ഗ്രാം
- പഞ്ചസാര – 500 ഗ്രാം
- നുറുക്ക് ഗോതമ്പ് – ഒരു കിലോ
- വെളിച്ചെണ്ണ – അര ലിറ്റര്‍
- മുളകുപൊടി – 250 ഗ്രാം
- ചെറുപയര്‍ – 500 ഗ്രാം
- തുവരപ്പരിപ്പ് – 250 ഗ്രാം
- തേയില – 250 ഗ്രാം
- ഉഴുന്ന് – 500 ഗ്രാം
- ഖദര്‍ മാസ്‌ക് – രണ്ട്
- ഒരു തുണി സഞ്ചി
National News: കര്‍ഷകരെ കേള്‍ക്കാന്‍ കേന്ദ്രം തയ്യാറാകണം; കമല്‍ഹാസന്‍
