'നൻമക്കൊരു നാളികേരം' പദ്ധതിയുടെ ഉൽഘാടനം പി ഇബ്‌റാഹീം ബാഖവി നിർവഹിക്കുന്നു
മലപ്പുറം: സാന്ത്വന-സാമൂഹ്യ പ്രവര്‍ത്തനങ്ങള്‍ക്ക് ആവശ്യമായ ധനസമാഹരണം ലക്‌ഷ്യം വെച്ചുകൊണ്ട് എസ്‌വൈഎസ്‌ മലപ്പുറം സോണ്‍ കമ്മിറ്റി നടപ്പിലാക്കുന്ന പദ്ധതിയാണ് ‘നൻമക്കൊരു നാളികേരം’ പദ്ധതി.
എസ്‌വൈഎസ്‌ ജില്ലയിൽ നിരവധി സാമൂഹിക പ്രവർത്തനങ്ങളിൽ ഏർപ്പെടുന്നുണ്ട്. മലപ്പുറം താലൂക്ക് ഹോസ്‌പിറ്റലിലെ പ്രഭാത ഭക്ഷണം, രോഗികള്‍ക്ക് സൗജന്യ മരുന്നിനുള്ള മെഡിക്കല്‍ കാര്‍ഡ്, ദാറുല്‍ ഖൈര്‍ വീട് നിര്‍മാണം, മരുന്ന് വിതരണം, രോഗി പരിചരണം, ചികിൽസാ സഹായം തുടങ്ങി ഒട്ടനവധി മേഖലകളിലാണ് സംഘടന പ്രവർത്തിക്കുന്നത്.
ഇവയെല്ലാം തടസംകൂടാതെ മുന്നോട്ടു കൊണ്ടുപോകാനും എസ്‌വൈഎസിനെ ആശ്രയിക്കുന്നവർക്ക് സഹായമാകാനുമാണ് വിവിധ ധനസമാഹരണ യജ്‌ഞങ്ങൾ ഇടക്കിടക്ക് നടപ്പിലാക്കുന്നത്. അത്തരത്തിലൊരു ധനസമാഹരണ യജ്‌ഞമാണ് ‘നൻമക്കൊരു നാളികേരം’ പദ്ധതി. വേറിട്ട ഈ പദ്ധതിയുടെ ഉൽഘാടന കർമം സമസ്‌ത മലപ്പുറം ജില്ലാ സെക്രട്ടറി പി ഇബ്‌റാഹീം ബാഖവി നിർവഹിച്ചു.
സോണ്‍ പ്രസിഡണ്ട് ദുല്‍ഫുഖാര്‍ അലി സഖാഫി അധ്യക്ഷത വഹിച്ച പരിപാടിയിൽ ഫിനാന്‍സ് സെക്രട്ടറി എംകെ അബ്‌ദുസ്സലാം, ഖാലിദ് സഖാഫി സ്വലാത്ത് നഗര്‍, ശിഹാബ് ഒറ്റത്തറ എന്നിവര്‍ സംബന്ധിച്ചു. സോണിലെ പൂക്കോട്ടൂര്‍, മേല്‍മുറി, മലപ്പുറം, കോഡൂര്‍ ഈസ്‌റ്റ്, വെസ്‌റ്റ്, കുറുവ, കൂട്ടിലങ്ങാടി, മക്കരപ്പറമ്പ് സര്‍ക്കിള്‍ തല ഉൽഘാടനങ്ങള്‍ വ്യാഴാഴ്‌ച നടക്കും. വെള്ളിയാഴ്‌ച സോണിലെ 69 യൂണിറ്റുകളില്‍ നിന്നും പ്രവര്‍ത്തകര്‍ നാളികേരം സ്വരൂപിക്കും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
