തിരുവന്തപുരം: ബഹ്റൈന് പ്രധാനമന്ത്രി ഖലീഫ ബിന് സല്മാന് അല് ഖലീഫയുടെ നിര്യാണത്തില് മുഖ്യമന്ത്രി പിണറായി വിജയന് അനുശോചനം രേഖപ്പെടുത്തി. അര നൂറ്റാണ്ടോളം ബഹ്റൈന്റെ പ്രധാന മന്ത്രി പദം അലങ്കരിച്ച അദ്ദേഹം രാഷ്ട്രത്തെ വികസനത്തിലേക്ക് നയിക്കുന്നതില് വഹിച്ച പങ്ക് നിര്ണായകമാണെന്ന് മുഖ്യമന്ത്രി പറഞ്ഞു.
ഇന്ത്യയുമായി വളരെ അടുപ്പം പുലര്ത്തിയ നേതാവായിരുന്നു. 2017ല് ബഹ്റൈനില് അദ്ദേഹവുമായി കൂടിക്കാഴ്ച നടത്താന് അവസരം ലഭിച്ചപ്പോള് ബഹ്റൈനില് ജോലി ചെയ്യുന്ന മലയാളികളുടെ കഠിനാദ്ധ്വാനത്തെയും സത്യസന്ധതയെയും അദ്ദേഹം പ്രശംസിച്ചത് ഓര്ക്കുന്നു. വിദ്യാഭ്യാസം, ടൂറിസം, ആയുര്വേദം, ആരോഗ്യം തുടങ്ങിയ മേഖലകളില് കേരളവുമായി കൂടുതല് സഹകരിക്കാനുള്ള അതീവ താത്പര്യം അദ്ദേഹം അന്ന് പ്രകടിപ്പിച്ചതും മുഖ്യമന്ത്രി അനുസ്മരിച്ചു.
Read also: ബഹ്റൈന് പ്രധാനമന്ത്രി ഖലീഫ ബിന് സല്മാന് അന്തരിച്ചു