ന്യൂഡെൽഹി: രാജ്യത്ത് കോൺഗ്രസ് അംഗത്വ വിതരണം 15 ദിവസം കൂടി നീട്ടിയതായി എഐസിസി വ്യക്‌തമാക്കി. വിവിധ സംസ്‌ഥാന ഘടകങ്ങളുടെ ആവശ്യം പരിഗണിച്ചാണ് അംഗത്വ വിതരണം 15 ദിവസം കൂടി നീട്ടിയത്. കൂടാതെ അംഗത്വ വിതരണം നീട്ടിയ നടപടി സംഘടനാ തിരഞ്ഞെടുപ്പിനെ ബാധിക്കില്ലെന്നും എഐസിസി വ്യക്‌തമാക്കി.
അംഗത്വ വിതരണം ഇന്ന് പൂർത്തിയാക്കാനാണ് ആദ്യം നിർദ്ദേശം നൽകിയിരുന്നത്. എന്നാൽ വിവിധ സംസ്‌ഥാനങ്ങളുടെ ആവശ്യം പരിഗണിച്ച് അംഗത്വ വിതരണം 15 ദിവസത്തേക്ക് കൂടി നീട്ടുകയായിരുന്നു. എഐസിസി അറിയിപ്പ് ലഭിച്ചെന്നും കേരളത്തിലും കോൺഗ്രസ് മെമ്പര്‍ഷിപ്പ് വിതരണം 15 ദിവസത്തേക്ക് നീട്ടിയതായും കെപിസിസി ജനറല്‍ സെക്രട്ടറി ടിയു രാധാകൃഷ്‌ണൻ വ്യക്‌തമാക്കി.
Read also: റഷ്യൻ വിദേശകാര്യ മന്ത്രി ഡെൽഹിയിൽ; നാളെ മോദിയുമായി കൂടിക്കാഴ്‌ച
