കൊച്ചി: മുൻ‌കൂർ ജാമ്യാപേക്ഷയുമായി വീണ്ടും ഹൈക്കോടതിയെ സമീപിച്ചു സ്വപ്‌ന സുരേഷ്. ഗൂഢാലോചന കേസിൽ വ്യാജ രേഖ ഉണ്ടാക്കി എന്നതടക്കം മൂന്ന് ജാമ്യമില്ലാ വകുപ്പുകൾ കൂടി തനിക്കെതിരെ ചുമത്തിയെന്നും അന്വേഷണ സംഘം അറസ്‌റ്റ് ചെയ്യാൻ സാധ്യത ഉണ്ടെന്നും സ്വപ്‌ന സുരേഷ് കോടതിയിൽ പറഞ്ഞു.
അതിനിടെ, ഗൂഢാലോചന കേസിൽ ക്രൈം ബ്രാഞ്ചും സ്വർണക്കടത്ത് വെളിപ്പെടുത്തലിൽ ഇഡിയും ഇന്ന് സ്വപ്‌നയെ ചോദ്യം ചെയ്യാൻ വിളിപ്പിച്ചിരുന്നു. നിയമോപദേശത്തിന്റെ അടിസ്‌ഥാനത്തിൽ ആരുടെ അടുത്താണ് ചോദ്യം ചെയ്യലിന് ഹാജരാകേണ്ടതെന്ന് തീരുമാനിക്കുമെന്ന് സ്വപ്‌ന വ്യക്‌തമാക്കിയിരുന്നു.
ഇതിന് പിന്നാലെയാണ് ഗൂഢാലോചന കേസിൽ മുൻ‌കൂർ ജാമ്യാപേക്ഷയുമായി സ്വപ്‌ന സുരേഷ് വീണ്ടും ഹൈക്കോടതിയെ സമീപിച്ചിരിക്കുന്നത്. ചോദ്യം ചെയ്യലിനായി ഇഡിക്ക് മുമ്പിൽ ഹാജരാകാനാണ് സ്വപ്‌നയുടെ തീരുമാനം.
Most Read: പീഡന കേസ്; വിജയ് ബാബുവിന്റെ അറസ്‌റ്റ് രേഖപ്പെടുത്തി
