ന്യൂഡെൽഹി: പ്രധാനമന്ത്രി നരേന്ദ്ര മോദി കോവിഡ് പ്രതിരോധ വാക്‌സിൻ സ്വീകരിച്ചതിന് പിന്നാലെ പൊതുജനങ്ങൾക്ക് വിലക്കയറ്റ കുത്തിവെപ്പ് നൽകിയെന്ന് കോൺഗ്രസ് വക്‌താവ്‌ ജയ്‌വീർ ഷെർഗിൽ. പാചകവാതക വില വർധിപ്പിച്ചതിന് എതിരേയായിരുന്നു ഷെർഗിലിന്റെ പ്രതികരണം.
പ്രധാനമന്ത്രി വാക്‌സിന്റെ ആദ്യ ഡോസ് കുത്തിവെപ്പ് സ്വീകരിച്ചു. അതേസമയം തന്നെ പൊതുജനങ്ങൾക്കും ബിജെപി സർക്കാർ കുത്തിവെപ്പ് നൽകി. എല്ലാ ഉൽപന്നങ്ങൾക്കും വില വർധിപ്പിച്ച് കൊണ്ടുള്ള കുത്തിവെപ്പാണ് അതെന്നും ജയ്‌വീർ ഷെർഗിൽ ട്വിറ്ററിൽ കുറിച്ചു.
വർധിച്ചുവരുന്ന ജിഡിപിയെ (ഗ്യാസ്, ഡീസൽ, പെട്രോൾ) ഇപ്പോൾ മഹത്തായ കവർച്ച’ എന്ന രീതിയിൽ തരംതിരിക്കാമെന്നും ജയ്‌വീർ കൂട്ടിച്ചേർത്തു.
Janta gets another “injection dose” of Price Rise from BJP as Cylinder price once again rises by ₹25 making it 6th consecutive rise in 2 months (Cylinder ₹225 expensive in 2 months).
Rising GDP (Gas Diesel Petrol) Prices can now easily be classified as “The Great Robbery”
— Jaiveer Shergill (@JaiveerShergill) March 1, 2021
രാജ്യത്ത് പാചകവാതക വില രണ്ടുമാസത്തിനിടെ ആറാം തവണയാണ് ഉയർത്തുന്നത്. ഗാർഹിക ആവശ്യത്തിനുള്ള സിലിണ്ടറിന്റെ വില 25 രൂപയും വാണിജ്യ സിലിണ്ടറിന് 100 രൂപയുമാണ് തിങ്കളാഴ്‌ച വർധിപ്പിച്ചത്. രണ്ടുമാസത്തിനിടെ 225 രൂപയാണ് കൂടിയത്.
Also Read: സർക്കാരിന്റെ ലക്ഷ്യം കർഷകരുടെ നൻമ മാത്രം; മാറ്റങ്ങൾ ഉൾകൊള്ളാൻ തയാറാവണമെന്ന് മോദി
