ചണ്ഡീഗഡ്: പ്രധാനമന്ത്രി നരേന്ദ്ര മോദി രാഷ്‌ട്രത്തെ അഭിസംബോധന ചെയ്‌തു സംസാരിച്ചതിനു പിന്നാലെ രാജ്യം കേൾക്കാൻ ആഗ്രഹിച്ച ചില കാര്യങ്ങൾ ഓർമ്മിപ്പിച്ച് കോൺഗ്രസ് ദേശീയ വക്‌താവും സുപ്രീം കോടതി അഭിഭാഷകനുമായ ജയവീർ ഷെർഗിൽ. ട്വിറ്ററിലായിരുന്നു അദ്ദേഹത്തിന്റെ പ്രതികരണം. വൈകിട്ട് ആറു മണിക്ക് നടത്തിയ ആത്‌മഭാഷണത്തിൽ പ്രധാനമന്ത്രി രാഷ്‌ട്രവുമായി ബന്ധപ്പെട്ട ഏറ്റവും പ്രാധാന്യമുള്ള ആറ് പ്രശ്‌നങ്ങൾ വിട്ടു പോയിരിക്കുന്നു എന്നായിരുന്നു ജയവീർ ഷെർഗിലിന്റെ ട്വീറ്റ്. ഈ ആറു പ്രശ്‌നങ്ങളും അദ്ദേഹം ട്വീറ്റ് ചെയ്‌തിട്ടുണ്ട്‌.
“വൈകുന്നേരം 6 മണിക്ക് നടത്തിയ ആത്‌മഭാഷണത്തിൽ, രാഷ്‌ട്രവുമായി ബന്ധപ്പെട്ട ഏറ്റവും പ്രധാനപ്പെട്ട 6 പ്രശ്‌നങ്ങൾ പ്രധാനമന്ത്രിക്ക് നഷ്‌ടമായി:
1. തൊഴിലില്ലായ്‌മ
2. സ്‌ത്രീ സുരക്ഷ
3. ചൈന
4. കർഷകരുടെ പ്രതിഷേധം
5. സാമ്പത്തിക പ്രതിസന്ധി
6. കോവിഡ് കേസുകളുടെ എണ്ണത്തിൽ ഇന്ത്യ രണ്ടാം സ്‌ഥാനത്ത് നിൽക്കുന്നത് എന്തുകൊണ്ട്? ഇവയെല്ലാം പ്രധാനമന്ത്രി ഒഴിവാക്കി,”- അദ്ദേഹം ട്വീറ്റ് ചെയ്‌തു.
In the 6:00pm monologue, PM missed 6 most important issues concerning the Nation:
1. Unemployment
2. Women Security
3. China
4. Farmers Protest
5. Economic Crisis
6. Why is India No.2 in number of Covid cases?PM conveniently hopped, skipped & jumped vital subjects
— Jaiveer Shergill (@JaiveerShergill) October 20, 2020
രാജ്യത്തിന്റെ പ്രധാനമന്ത്രിയുടെ ഭാഗത്തു നിന്ന് ജനങ്ങൾ കേൾക്കാൻ കാത്തിരുന്ന പ്രധാനപ്പെട്ട വിഷയങ്ങളൊന്നും പരാമർശിക്കാതെ ആയിരുന്നു മോദിയുടെ അഭിസംബോധന. ലോക്‌ഡൗണിന് ശേഷം ഇത് ഏഴാംതവണയാണ് പ്രധാനമന്ത്രി രാജ്യത്തെ അഭിസംബോധന ചെയ്യുന്നത്. കോവിഡും ഉൽസവ സീസണും മാത്രമായിരുന്നു മോദിയുടെ അഭിസംബോധനയിലെ പ്രധാന വിഷയങ്ങൾ. ലഡാക്ക് അതിർത്തിയിലെ സംഘർഷം, യുപിയിലെ സ്‌ത്രീകൾക്കും ദളിതർക്കും എതിരായ അക്രമങ്ങൾ, സാമ്പത്തിക പ്രതിസന്ധി തുടങ്ങിയ വിഷയങ്ങളൊന്നും മോദി പരാമർശിച്ചില്ല.
Related News: പ്രധാനമന്ത്രി രാഷ്‌ട്രത്തെ അഭിസംബോധന ചെയ്‌തു സംസാരിച്ചു
