ഷാര്ജ: ഷാര്ജ വിമാനത്താവളത്തില് നിന്ന് ഇന്ത്യയിലേക്ക് മടങ്ങി വരുന്നവര്ക്ക് കോവിഡ് 19 പിസിആര് ടെസ്റ്റിന്റെയോ റാപ്പിഡ് ടെസ്റ്റിന്റെയോ ആവശ്യമില്ലെന്ന് എയര് അറേബ്യ. യുഎഇ ല് നിന്ന് പുറപ്പെടുന്ന യാത്രക്കാര്ക്ക് എയര് ഇന്ത്യ ഉള്പ്പെടെയുള്ള വിമാന കമ്പനികള് കോവിഡ് നെഗറ്റീവ് സര്ട്ടിഫിക്കറ്റ് നിര്ബന്ധമാക്കിയിരിക്കുകയാണ്. ഇതിനിടയിലാണ് ഇങ്ങനെ ഒരു അറിയിപ്പുമായി എയര് അറേബ്യ മുന്നോട്ട് വന്നത്.
ഇന്ത്യയിലേക്കുള്ള യാത്രക്ക് കോവിഡ് പരിശോധനാ ഫലം നിര്ബന്ധമല്ലെന്ന് ഫ്ളൈ ദുബായ് കഴിഞ്ഞ ദിവസം അറിയിച്ചിരുന്നു. എന്നാല്, കേന്ദ്ര ആരോഗ്യ കുടുംബ ക്ഷേമ മന്ത്രാലയത്തിന്റെ നിര്ദ്ദേശ പ്രകാരം ഇന്ത്യയിലെത്തുന്ന എല്ലാ യാത്രക്കാരും എയര് സുവിധയില് രജിസ്റ്റര് ചെയ്തിരിക്കണമെന്നാണ് എയര് ഇന്ത്യ എക്സ്പ്രസ് വ്യക്തമാക്കിയത്.